टी20 वर्ल्डकप 2026 स्पर्धेतील मोठा विक्रम स्कॉटलँडच्या खेळाडूने मोडला, झालं असं की…
Scotland vs Italy: टी20 वर्ल्डकप स्पर्धेत स्कॉटलँडने इटलीला 73 धावांनी पराभूत केलं. यासह स्कॉटलँडने स्पर्धेतील पहिला विजय मिळवला. या विजयात मायकल लीक्सचं मोठं योगदान राहिलं. त्याने एका मोठ्या विक्रमाला गवसणी घातली.
Michael Leask World Record: टी20 वर्ल्डकप स्पर्धेतील सातवा सामना स्कॉटलँड आणि इटली यांच्यात पार पडला. या सामन्यात स्कॉटलँडचं पारडं जड राहिलं. त्यांनी इटलीला 73 धावांनी पराभूत केलं. खरं नाणेफेकीचा कौल गमावल्याने स्कॉटलँडच्या वाटेला प्रथम फलंदाजी आली होती. स्कॉटलँडने प्रथम फलंदाजी करताना 207 धावा केल्या. या धावांचा पाठलाग करताना इटलीचा संघ 16.4 षटकात 134 धावा करू शकला. या विजयाचा मानकरी ठरला तो अष्टपैलू मायकल लीक्स… त्याच्या अष्टपैलू कामगिरीच्या पुढे इटली संघाने नांगी टाकली. त्याने फलंदाजी आणि गोलंदाजीत योगदना दिलं. त्याने नाबाद 22 धावांसह 4 षटकात 17 धावा देत 4 गडी बाद केले. या कामगिरीमुळेच त्याला सामनावीराच्या पुरस्काराने गौरविण्यात आलं. इतकंच काय तर त्याच्या नावावर एका विक्रमाची नोंदही झाली.
टी20 वर्ल्डकप स्पर्धेच्या इतिहासात सर्वाधिक स्ट्राईक रेटने धावा करण्याचा विक्रम आता त्याच्या नावावर झाला आहे. लीक्सने इटलीविरूद्ध 5 चेंडूत नाबाद 22 धावा केल्या. यात त्याने 2 षटकार आणि 2 चौकार मारले. यावेळी त्याचा स्ट्राईक रेट हा 440चा होता. टी20 वर्ल्डकप स्पर्धेच्या इतिहासात कमीत कमी 20 धावांची खेळी करताना हा सर्वाधिक स्ट्राईक रेट राहिला आहे. यापूर्वी हा विक्रम वेस्ट इंडिजच्या ड्वेन स्मिथच्या नावावर होतो. त्याने 2007 मध्ये बांगलादेशविरूद्ध 7 चेंडूत 29 धावा केल्या होत्या.
Highest strike rate in an ICC Men’s T20WC innings (min. 20 runs):
440.00 – Michael Leask 22* (5) for SCO 🏴 vs ITA 🇮🇹, 2026* 414.28 – Dwayne Smith 29 (7) for WI 🌴 vs BAN 🇧🇩, 2007 362.50 – Yuvraj Singh 58 (16) for IND 🇮🇳 vs ENG 🏴, 2007#T20WC2026
— The Stats Kid (@TheStatsKid1523) February 9, 2026
तसं पाहिलं तर 50 पेक्षा जास्त धावा करताना सर्वाधिक स्ट्राईक रेट हा सिक्सर किंग युवराज सिंगच्या नावावर आहे. त्याने 2007 मध्ये इंग्लंडविरुद्ध 16 चेंडूत 58 धावा केल्या होत्या. यावेळी त्याचा स्ट्राईक रेट हा 362.5 चा होता. आतापर्यंत हा विक्रम कायम आहे. अजूनही हा विक्रम कोणालाही मोडता आलेला नाही. त्याने 12 चेंडूत अर्धशतक पूर्ण केलं होतं. यात त्याने सहा चेंडूत सहा षटकार मारले होते.
बांगलादेशने भारतात खेळण्यास नकार दिल्यानंतर स्कॉटलँडची एन्ट्री झाली. त्याने या स्पर्धेत चांगली कामगिरी केली आहे. पहिला सामना वेस्ट इंडिजविरूद्ध गमावला. पण इटलीला पराभूत करताचा पुन्हा एकदा गुणतालिकेत दुसरं स्थान पटकावलं आहे. इंग्लंडपेक्षा स्कॉटलँडचा नेट रनरेट चांगला असल्याने दुसऱ्या स्थानी विराजमान आहे. पहिल्या स्थानावर वेस्ट इंडिज आहे.
