PBKS vs DC IPL 2022: अरे हे काय, ललित कुठला शॉट खेळायला गेला, कसा OUT झाला ते एकदा बघाच, पंजाबला 160 धावांच टार्गेट
खरंतर दिल्ली कॅपिटल्सला जास्त धावा करता आल्या असत्या. पण लियाम लिव्हिंगस्टोनने वाट लावली. दिल्लीच्या डावात पहिल्याच चेंडूवर आक्रमक सलामीवीर डेविड वॉर्नरला आऊट केलं.
मुंबई: नवी मुंबईच्या डी.वाय. पाटील स्टेडियमवर दिल्ली कॅपिटल्स आणि पंजाब किंग्समध्ये (DC vs PBKS) IPL 2022 मधला 64 वा सामना सुरु आहे. पंजाबचा कॅप्टन मयंक अग्रवालने (Mayank Agarwal) नाणेफेक जिंकून प्रथम गोलंदाजीचा निर्णय घेतला. कॅप्टनचा हा निर्णय पंजाबच्या गोलंदाजांनी योग्य ठरवला. दिल्लीने निर्धारित 20 षटकात सात बाद 159 धावा केल्या. खरंतर दिल्ली कॅपिटल्सला जास्त धावा करता आल्या असत्या. पण लियाम लिव्हिंगस्टोनने वाट लावली. दिल्लीच्या डावात पहिल्याच चेंडूवर आक्रमक सलामीवीर डेविड वॉर्नरला आऊट केलं. वॉर्नरला आज भोपळाही फोडता आला नाही. त्याने राहुल चाहरकडे सोपा झेल दिला. त्यानंतर लिव्हिंगस्टोनने ऋषभ पंत (7) आणि रोव्हमॅन पॉवेल (2) यांना स्वस्तात आऊट केलं. दिल्लीची सुरुवात चांगली झाली नव्हती. पण सर्फराज खान आणि मिचेल मार्शची जोडी जमली.
मार्श आणि सर्फराझने पंजाबच्या गोलंदाजांना वरचढ होऊ दिलं नाही
ललित कुठला शॉट खेळायला गेला, कसा OUT झाला ते एकदा बघाच
पहिली विकेट शुन्यावर गेल्यामुळे पंजाबच्या गोलंदाजांचा आत्मविश्वास वाढला होता. पण मार्श आणि सर्फराझने पंजाबच्या गोलंदाजांना वरचढ होऊ दिले नाही. त्यांनी प्रतिहल्ला चढवला. दोघांनी दुसऱ्या विकेटसाठी 50 धावांची भागीदारी केली. सर्फराजने 16 चेंडूत 32 धावा केल्या सर्फराज खानने अर्शदीपच्या गोलंदाजीवर मोठा फटका खेळण्याचा प्रयत्न केला. पण चेंडू स्लोअर वन होता. सर्फराजला बॉल टाइम करता आला नाही. राहुल चाहरने झेल घेतला. त्यानंतर मार्शने ललित यादवसोबत मिळून डाव सावरला. ललित यादवने 24 धावा केल्या. दिल्लीची मधलीफळी स्थिरस्थावर होऊ शकली नाही. त्यामुळे चांगल्या धावसंख्येनंतरही त्यांना मोठी धावसंख्या उभारता आली नाही.
Good job with the ball, let’s close this out! ??#SaddaPunjab #IPL2022 #PunjabKings #PBKSvDC #ਸਾਡਾਪੰਜਾਬ pic.twitter.com/3CaA1zL9L4
— Punjab Kings (@PunjabKingsIPL) May 16, 2022
मिचेल मार्शची हाफ सेंच्युरी
पहा मिचेल मार्शची कडक हाफ सेंच्युरी
मागच्या सामन्याप्रमाणे याही सामन्यात मिचेल मार्शने (63) अर्धशतकी खेळी केली. यात चार चौकार आणि तीन षटकार होते. लिव्हिंगस्टोन प्रमाणे अर्शदीपनेही चांगली गोलंदाजी केली. त्याने तीन विकेट काढल्या. प्लेऑफचं आव्हान जिवंत ठेवण्यासाठी दोन्ही संघांना विजय आवश्यक आहे.
