PBKS vs RR Live Streaming : राजस्थानसमोर पंजाबचं कडवं आव्हान, श्रेयससेनेचा विजय रथ रोखणार?
Punjab Kings vs Rajasthan Royals IPL 2026 Live Scorecard : पंजाब किंग्स 19 व्या मोसमात आपल्या मोहिमेतील नवव्या सामन्यात घरच्या मैदानात राजस्थान रॉयल्स विरुद्ध 2 हात करणार आहे.
आयपीएल स्पर्धेच्या 19 व्या मोसमातील 40 व्या सामन्यात पॉइंट्स टेबलमधील 2 आघाडीच्या संघात कडवी झुंज पाहायला मिळणार आहे. या सामन्यात 17 व्या हंगामातील उपविजेता विरुद्ध पहिल्या मोसमातील विजेता यांच्यात ही लढत होणार आहे. पंजाब किंग्स विरुद्ध राजस्थान रॉयल्स असा हा सामना होणार आहे. दोन्ही संघांचा हा या हंगामातील नववा सामना असणार आहे. रियान पराग याच्याकडे राजस्थानच्या कर्णधारपदाची जबाबदारी आहे. तर श्रेयस अय्यर पंजाबच्या कर्णधारपदाची जबाबदारी सांभाळत आहे. पंजाब 8 सामन्यांनंतरही अजिंक्य आहेत. त्यामुळे राजस्थानसमोर पंजाबचा विजयी झंझावात रोखण्याचं आव्हान आहे. त्यामुळे राजस्थान यात यशस्वी होणार ही पंजाब विजयी घोडदौड कायम राखणार? हे पाहणं महत्त्वाचं ठरणार आहे. या निमित्ताने सामन्यातील महत्त्वाची माहिती जाणून घेऊयात.
पंजाब किंग्स विरुद्ध राजस्थान रॉयल्स सामना कधी?
पंजाब किंग्स विरुद्ध राजस्थान रॉयल्स सामना मंगळवारी 28 एप्रिलला होणार आहे.
पंजाब किंग्स विरुद्ध राजस्थान रॉयल्स सामना कुठे?
पंजाब किंग्स विरुद्ध राजस्थान रॉयल्स सामना मुल्लानपूर, न्यू चंडीगडमधील महाराजा यादविंद्र सिंह आंतरराष्ट्रीय क्रिकेट स्टेडियम इथे होणार आहे.
पंजाब किंग्स विरुद्ध राजस्थान रॉयल्स सामन्याला किती वाजता सुरुवात होणार?
पंजाब किंग्स विरुद्ध राजस्थान रॉयल्स सामन्याला संध्याकाळी 7 वाजून 30 मिनिटांनी सुरुवात होईल. तर 7 वाजता टॉस होईल.
पंजाब किंग्स विरुद्ध राजस्थान रॉयल्स सामना टीव्ही आणि मोबाईलवर कुठे पाहायला मिळेल?
पंजाब किंग्स विरुद्ध राजस्थान रॉयल्स सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल. तर लाईव्ह मॅच स्मार्ट टीव्ही, लॅपटॉप आणि मोबाईलवर जिओ हॉटस्टार एपद्वारे पाहायला मिळेल.
हेड टु हेड रेकॉर्ड
पंजाब विरुद्ध राजस्थान यांच्यात आतापर्यंत एकूण 30 सामन्यांत आमनासामना झाला आहे. राजस्थानने या 30 पैकी सर्वाधिक सामने जिंकले आहेत. राजस्थानने 17 सामन्यांत विजय मिळवला आहे. तर पंजाबने 12 सामन्यांत राजस्थानवर मात केली आहे.
पॉइंट्स टेबलमध्ये कोण कुठे?
ताज्या आकडेवारीनुसार, पंजाब पॉइंट्स टेबलमध्ये पहिल्या स्थानी आहे. पंजाबने 7 पैकी 6 सामने जिंकले आहेत. तर पंजाबचा 1 सामना पावसामुळे रद्द झाला. त्यामुळे पंजाबच्या खात्यात 13 गुण आहेत. तसेच पंजाबचा नेट रनरेट हा +1.333 असा आहे.
तर राजस्थान पॉइंट्स टेबलमध्ये चौथ्या स्थानी आहे. राजस्थानने 8 पैकी 5 सामने जिंकले आहेत. राजस्थानला 3 सामन्यांत पराभूत व्हावं लागलं आहे. राजस्थानच्या खात्यात 10 गुण आहेत. तसेच त्यांचा नेट रनरेट हा +0.602 असा आहे.
