IND vs SL: आरशात जाऊन तोंड बघ… Live मॅच सुरु असताना कॉमेंट्री बॉक्समध्ये दोन माजी खेळाडू एकमेकांशी भिडले
Sanjay Manjrekar And Murali Karthik Fight Video: गॉल येथे भारत आणि श्रीलंका यांच्यात सुरू असलेल्या कसोटी सामन्याच्या तिसऱ्या दिवशी, मैदानाबाहेरील समालोचन कक्षात एक विचित्र प्रसंग घडला.
IND vs SL Test Series: गॉल येथे भारत आणि श्रीलंका यांच्यात सुरू असलेल्या कसोटी सामन्याच्या तिसऱ्या दिवशी, मैदानाबाहेरील कॉमेंट्री बॉक्समध्ये एक विचित्र प्रसंग घडला. सामन्याच्या विश्लेषणादरम्यान, माजी भारतीय क्रिकेटपटू संजय मांजरेकर आणि मुरली कार्तिक यांच्यात थेट प्रक्षेपण सुरू असतानाच जोरदार शाब्दिक चकमक झाली. हे दोन्ही माजी खेळाडू श्रीलंका दौऱ्यासाठी अधिकृत समालोचक म्हणून समालोचन आणि स्टुडिओ पॅनेलचा भाग आहेत.
सामन्यातील एका मुद्द्यावर चर्चा सुरू होती, पण अचानक संभाषण क्रिकेटपासून भरकटले आणि वैयक्तिक गोष्टींकडे वळले. या संपूर्ण वादाची सुरुवात मुरली कार्तिकच्या एका टिप्पणीने झाली, ज्याने गंमतीने मांजरेकरच्या रुसण्यावर प्रश्नचिन्ह उपस्थित केले. यामुळे दोन्ही बाजूंनी एकमेकांच्या दिसण्यावर आणि व्यक्तिमत्त्वावर टीका-टिप्पणीचा भडीमार सुरू झाला.
THAT ESCALATED QUICKLY! 😂
Shots were fired, comebacks followed, and our Extraaa Innings panel had an absolute laugh! 😅
Watch #SLvIND, 1st Test | Day 3, LIVE NOW on Sony Sports Network TV channels & Sony LIV.#SonySportsNetwork #SonyLIV #BeautifulGameOfTestCricket pic.twitter.com/hnJ0WPAgok
— Sony Sports Network (@SonySportsNetwk) August 17, 2026
कार्तिकने मांजरेकरला टोला लगावत म्हटले, “माझी सर्वांना एक छोटी आणि एक मोठी विनंती आहे. तुमचे शतकानंतरचे रुसणे खूप प्रसिद्ध आहे, पण त्या रुसण्यामुळे तुम्ही काय बोलत आहात हे समजणे कठीण होते. कृपया ते थोडे कमी करा.” कार्तिकच्या वक्तव्यावर मांजरेकर गप्प बसले नाहीत आणि त्यांनी लगेचच प्रत्युत्तर दिले. स्क्रीन शेअरची मागणी करत मांजरेकर म्हणाले, “ते खूपच वाईट होतं. आपण स्प्लिट स्क्रीन करून कॅमेरा दुसऱ्या खेळाडूवर (दुसऱ्या सहकाऱ्यावर) लावू शकतो का? कारण त्याच्याशी बोलायला जास्त छान वाटतं आणि त्याचा चेहराही खूप प्रसन्न आहे.”
यानंतर मांजरेकर यांनी हे प्रकरण आणखी पुढे नेले आणि कार्तिकला टोमणा मारला, “मला या विचारानेच आश्चर्य वाटतं की मुरली कार्तिक आरशात स्वतःकडे पाहून स्वतःच्याच आवाजात म्हणतो, ‘उत्तम, उत्तम, उत्तम.'” कार्तिकने प्रत्युत्तर दिले, “मी स्वतःकडे कधीच पाहत नाही. ते तुमचं काम आहे. जो कोणी तुम्हाला ओळखतो, जो तुमच्यासोबत खेळला आहे किंवा काम केले आहे, त्याला सगळं काही माहीत आहे.”
दोघांमधील शाब्दिक चकमक वाढत असल्याचे पाहून मांजरेकर यांनी अखेरीस स्वतःच परिस्थिती निवळण्याचा प्रयत्न केला. त्यांनी कार्तिकच्या दिसण्यावर शेवटचा टोला लगावत म्हटले, “मी आरशात पाहतो यामागे एक कारण आहे. मला समजतंय की आरशात पाहणं तुझ्यासाठी फारसं प्रेरणादायी नाही. असो, आपण दोघेही आपल्या मर्यादा ओलांडत आहोत, आणि आज सोशल मीडियावर या गोष्टीची फार चर्चा होईल.
