SLA vs AFGA : श्रीलंकेची फायनलमध्ये धडक, बांगलादेशचा 103 धावांनी धुव्वा
Sri Lanka A vs Afghanistan A Match Result : यजमान श्रीलंकेच्या फलंदाजांनंतर गोलंदाजांनीही चमकदार कामगिरी केली. श्रीलंकेने अफगाणिस्तानवर सहज विजय मिळवत अंतिम फेरीत धडक दिली.
यजमान श्रीलंका टीमने ट्राय नॅशन ए सीरिजच्या अंतिम फेरीत धडक दिली आहे. श्रीलंकने या स्पर्धेत आपल्या साखळी फेरीतील शेवटच्या सामन्यात अफगाणिस्तान ए संघावर एकतर्फी विजय मिळवला. श्रीलंकेने अफगाणिस्तानसमोर 323 धावांचं आव्हान ठेवलं होतं. मात्र श्रीलंकेच्या गोलंदाजांसमोर अफगाणिस्तानला संपूर्ण 50 ओव्हरही खेळता आलं नाही. श्रीलंकेने अफगाणिस्तानला 42.5 ओव्हरमध्ये ऑलआऊट केलं. श्रीलंकेने अशाप्रकारे अफगाणिस्तानचा 103 धावांनी धुव्वा उडवला. तर अफगाणिस्तानचं पराभवासह स्पर्धेतून पॅकअप झालं. आता रविवारी 21 जून रोजी श्रीलंका विरुद्ध भारत यांच्यात अंतिम सामन्याचा थरार रंगणार आहे. त्यामुळे अंतिम सामन्यात कोणता संघ मैदान मारणार? याची चाहत्यांना प्रतिक्षा असणार आहे. अंतिम सामन्याबाबत जाणून घेण्याआधी श्रीलंका-अफगाणिस्तान ए सामन्यात काय झालं? हे जाणून घेऊयात.
पहिल्या डावात काय झालं?
अफगाणिस्तानने टॉस जिंकून श्रीलंकेला बॅटिंगसाठी बोलावलं. अफगाणिस्तानने 8 विकेट्स गमावून 322 धावा केल्या. अफगाणिस्तानसाठी अविष्का फर्नांडो, निरोशन डिकवेला आण नुवानिंदु फर्नांडो या तिघांनी सर्वाधक धावा केल्या. अविष्काने शतक झळकावलं. अविष्काने 110 धावा केल्या. निरोशनने 66 रन्स केल्या. तर निवानिंदु याने 45 धावांचं योगदान दिलं. तर इतरांनीही आपलं योगदान दिलं ज्यामुळे श्रींलेकला 322 धावांपर्यंत पोहचता आलं. अफगाणिस्तानसाठी फरिदुन दावुदझई याने चौघांना आऊट केलं. तर फरमानुल्लाह सफी याने 3 विकेट्स मिळवल्या.
अफगाणिस्तानची बॅटिंग
अफगाणिस्तानच्या टॉप 4 मधील तिघांपैकी दोघांना भोपळाही फोडता आला नाही. कर्णधार इम्रान मीर आणि नूर उल रहमान हे दोघे आले तसेच परत गेले. फैसल शिनोझादा याने 9 रन्स केल्या. हसन ईसाखिल याने अफगाणिस्तानसाठी सर्वाधिक धावा केल्या. हसनने 74 धावांची खेळी केली. बहीर शाह याने 35, एझाज अहमदझाई याने 19 रन्स केल्या. तर फरमानुल्लाह सफी याने 43 रन्स केल्या. तर इतरांना श्रीलंकेच्या गोलंदाजांसमोर काही करता आलं नाही. श्रीलंकेसाठी दुलज समुधिता याने 5 विकेट्स मिळवल्या. तर इतरांनी साथ देत अफगाणिस्तानला गुंडाळण्यात योगदान दिलं.
श्रीलंकेची फायनलमध्ये एन्ट्री
A commanding 103-run victory for Sri Lanka ‘A’ over Afghanistan ‘A’🇱🇰🔥
With a brilliant all-round performance, Sri Lanka ‘A’ book their place in the Tri-Nation Series Final, will face India ‘A’ on 21 June.#SriLankaCricket #TriNationSeries #SLvAFG pic.twitter.com/wLO5vOLBG1
— Sri Lanka Cricket 🇱🇰 (@OfficialSLC) June 19, 2026
अंतिम सामन्यात भारत-श्रीलंका आमनेसामने
दरम्यान अंतिम सामन्यात यजमान श्रीलंकेसमोर भारताचं आव्हान असणार आहे. हा सामना रविवारी 21 जून रोजी होणार आहे. आता अंतिम सामन्यात कोण विजयी ठरणार? याची चाहत्यांना प्रतिक्षा असणार आहे.
