Cricket : शुक्रवारी भारत आणि पाकिस्तान एक्शन मोडमध्ये, मुंबईकर खेळाडूकडे नेतृत्व, सामना किती वाजता?
India A Women Team : आयसीसी टी 20i वर्ल्ड कप 2026 स्पर्धेचा थरार सुरु आहे. अशात आता 13 फेब्रुवारीपासून वुमन्स रायजिंग स्टार्स आशिया कप 2026 स्पर्धेला सुरुवात होत आहे. मुंबईकर राधा यादव ही या स्पर्धेत इंडिया ए टीमच्या कर्णधारपदाची जबाबदारी सांभाळणार आहे.
क्रिकेट चाहत्यांना आयसीसी टी 20I वर्ल्ड कप 2026 स्पर्धा सुरु झाल्यापासून साखळी फेरीत दररोज 3 सामन्यांचा थरार पाहायला मिळत आहे. यजमान टीम इंडियाने आतापर्यंत या सामन्यात सलग 2 सामने जिंकले आहेत. तर आता टीम इंडियाच्या तिसऱ्या सामन्याकडे क्रिकेट विश्वाचं लक्ष लागून राहिलं आहे. भारत विरुद्ध पाकिस्तान यांच्यात रविवारी हा सामना होणार आहे. तर दुसऱ्या बाजूला 13 फेब्रुवारीपासून वूमन्स आशिया कप रायजिंग स्टार्स 2026 स्पर्धेला सुरुवात होणार आहे. या स्पर्धेबाबत थोडक्यात मात्र महत्त्वाची माहिती जाणून घेऊयात.
वूमन्स आशिया कप रायजिंग स्टार्स 2026 स्पर्धेचा थरार 13 ते 22 फेब्रुवारी दरम्यान रंगणार आहे. बँकॉककडे या स्पर्धेच्या यजमानपदाचा मान आहे. या स्पर्धेत एकूण 15 टी 20I सामने खेळवण्यात येणार आहेत. या एका ट्रॉफीसाठी एकूण 8 संघांमध्ये चुरस पाहायला मिळणार आहे. या 8 संघांना 4-4 नुसार 2 गटात विभागण्यात आलं आहे. प्रत्येक संघ साखळी फेरीत इतर 3 प्रतिस्पर्धी संघाविरुद्ध 1-1 सामना खेळणार आहे. त्यानंतर दोन्ही गटातील अव्वल 2 संघ उपांत्य फेरीसाठी पात्र ठरतील. त्यानंतर अंतिम फेरीचा थरार रंगेल आणि विजेता निश्चित होईल.
पहिल्याच दिवशीच डबल हेडर
स्पर्धेतील पहिल्याच दिवशी 2 सामन्यांचा थरार रंगणार आहे. पाकिस्तान विरुद्ध नेपाळ यांच्यात स्पर्धेतील सलामीच्या सामन्याचा थरार रंगणार आहे. तर दुसऱ्या सामन्यात इंडिया ए टीम यूएई विरुद्ध भिडणार आहे. पाकिस्तान विरुद्ध नेपाळ सामन्याला भारतीय वेळेनुसार सकाळी 8 वाजता सुरुवात होणार आहे. सामन्याचं आयोजन हे बँकॉकमधील टेर्डथाई क्रिकेट ग्राउंडमध्ये करण्यात आलं आहे.
इंडिया ए समोर कुणाचं आव्हान?
इंडिया ए टीम मोहिमेतील आपल्या पहिल्या सामन्यात यूएई विरुद्ध 2 हात करणार आहे. या सामन्याला भारतीय वेळेनुसार दुपारी 12 वाजून 30 मिनिटांनी सुरुवात होईल. हा सामनाही टेर्डथाई क्रिकेट ग्राउंडमध्ये खेळवण्यात येणार आहे. मुंबईकर राधा यादव ही या स्पर्धेत इंडिया ए संघाचं नेतृत्व करणार आहे.
कोणता संघ कोणत्या गटात
ए ग्रुप : इंडिया ए, पाकिस्तान ए, नेपाळ (मुख्य संघ) आणि यूएई (मुख्य संघ)
बी ग्रुप : श्रीलंका ए, बांगलादेश ए, मलेशिया ए आणि थायलंड ए.
इंडिया ए पहिल्या सामन्यासाठी सज्ज
Game on, Girls in Blue 🇮🇳💙
Watch them kick off their DP World Women’s Asia Cup Rising Stars 2026 journey tomorrow from 12:30 PM, LIVE on Sony Sports Network TV channels & Sony LIV. #SonySportsNetwork #GirlsRising pic.twitter.com/9dN6VjfrSm
— Sony Sports Network (@SonySportsNetwk) February 12, 2026
इंडिया ए-यूएई सामना कुठे पाहायला मिळणार?
दरम्यान इंडिया ए विरुद्ध यूएई यांच्यातील सामना टीव्हीवर सोनी स्पोर्ट्स नेटवर्कवरील चॅनेल्सवर पाहायला मिळेल. तर मोबाईलवर सोनी लिव्ह एपद्वारे लाईव्ह मॅचचा थरार अनुभवायला मिळेल.
