WPL 2025, UPW vs RCB : नाणेफेकीचा कौल आरसीबीच्या बाजूने, स्मृती मंधानाने घेतला असा निर्णय
वुमन्स प्रीमियर लीग 2025 स्पर्धेचा 18वा सामना युपी वॉरियर्स आणि रॉयल चॅलेंजर्स बंगळुरु यांच्यात होत आहे. या सामन्यात नाणेफेकीचा कौल रॉयल चॅलेंजर्स बंगळुरुच्या बाजूने लागला आणि प्रथम गोलंदाजी स्वीकारली. हा सामना आरसीबीसाठी करो या मरोची लढाई आहे.
वुमन्स प्रीमियर लीग स्पर्धेतील महत्त्वाचा सामना रॉयल चॅलेंजर्स बंगळुरु आणि युपी वॉरियर्स यांच्यात होत आहे. या स्पर्धेतून युपी वॉरियर्सचं आव्हान संपुष्टात आलं आहे. तर आरसीबीसाठी या सामन्यातील विजय खूपच महत्त्वाचा आहे. जर आरसीबीचा या सामन्यात पराभव झाला तर वाचलेल्या काही आशा संपुष्टात येतील. दरम्यान, आरसीबीने नाणेफेकीचा कौल जिंकला आणि कर्णधार स्मृती मंधानाने प्रथम गोलंदाजी करण्याचा निर्णय घेतला आहे. आरसीबीची कर्णधार स्मृती मंधाना म्हणाली की, ‘आज आम्हाला प्रथम क्षेत्ररक्षण करायला आवडेल. आठवडा चांगला गेला. बेंगळुरूमध्ये आम्हाला हवे तसे खेळता आले नाही. आमच्यात संघातील संबंध चांगले राहिले. आमच्यात दोन बदल आहेत. डॅनीऐवजी चार्ली, एकतासाठी मेघना संघात येतील. आम्ही स्पर्धेत काही चांगले क्रिकेट खेळलो आहोत पण ते काही टप्प्यात आहे, पण आशा आहे की आम्ही आज रात्री पूर्ण खेळ खेळू शकू. याबद्दल आमची चांगली चर्चा झाली, गेल्या हंगामात आम्ही अशाच स्थितीत होतो आणि सर्वजण शांत आणि संयमी आहेत.’
युपी वॉरियर्सची कर्णधार दीप्ती शर्मा म्हणाली की, ‘आजचा दिवस खास आहे. पण स्पर्धेत आपण पुढे जात नाही आहोत ही निराशा आहे. आमच्यात दोन बदल आहेत. आम्ही परिस्थितीनुसार आमचे संघ निवडले आहेत आणि नेहमीच सर्वोत्तम संघ निवडण्याचा प्रयत्न केला आहे. हो, अर्थातच सुपर ओव्हर खेळलेला आम्ही तो सामना कधीही विसरू शकत नाही आणि खेळात येण्यासाठी ही एक चांगली आठवण आहे.’
दोन्ही संघांची प्लेइंग 11
यूपी वॉरियर्स महिला (प्लेइंग इलेव्हन): ग्रेस हॅरिस, जॉर्जिया वॉल, किरण नवगिरे, दीप्ती शर्मा (कर्णधार), चिनेल हेन्री, श्वेता सेहरावत, पूनम खेमनार, उमा चेत्री (विकेटकीपर), सोफी एक्लेस्टोन, क्रांती गौड, अंजली सरवानी.
रॉयल चॅलेंजर्स बेंगळुरू महिला (प्लेइंग इलेव्हन): स्मृती मंधाना (कर्णधार), सभिनेनी मेघना, एलिस पेरी, रघवी बिस्ट, रिचा घोष (विकेटकीपर), कनिका आहुजा, शार्लोट डीन, जॉर्जिया वेरेहम, किम गर्थ, स्नेह राणा, रेणुका सिंग ठाकूर.
