Rohit Sharma याचा Wtc Final पराभवानंतर कॅप्टन्सी सोडण्याचा निर्णय? ट्विटमुळे खळबळ
Rohit Sharma Test Captaincy | वर्ल्ड टेस्ट चॅम्पियनशीप फानयनल सामन्यात पराभव झाल्यानंतर रोहित शर्मा याचा कर्णधारपदावरुन पायउतार होण्याचा निर्णय?
लंडन | टीम इंडियाने पुन्हा एकदा निराशा केलीय. टीम इंडियाचा सलग दुसऱ्यांदा वर्ल्ड टेस्ट चॅम्पियनशीप फायनलमध्ये पराभव झाला आहे. न्यूझीलंडनंतर ऑस्ट्रेलियाने टीम इंडियाचा वर्ल्ड टेस्ट चॅम्पियनशीप फायनल सामन्यात 209 धावांनी धुव्वा उडवला आहे. यासह टीम इंडियाची आयसीसी ट्रॉफी जिंकण्याची प्रतिक्षा आणखी लांबली आहे. तर ऑस्ट्रेलिया वनडे, टी 20, चॅम्पियन ट्रॉफीनंतर कसोटीत आयसीसी स्पर्धा जिंकणारी पहिली टीम ठरली आहे. ऑस्ट्रेलियाची ही एकूण आयसीसी ट्रॉफी जिंकण्याची नववी वेळ ठरली आहे.
टीम इंडिया 2021 पासून मेहनतीने फायनलपर्यंत पोहचली होती. आता अंतिम सामन्यात ऑस्ट्रेलियाचं आव्हान होतं. मात्र ऑस्ट्रेलियाने टीम इंडियाचा टांगा पलटी केला. रोहित शर्मा याच्या नेतृत्वात टीम इंडियाचा वर्ल्ड टेस्ट चॅम्पियनशीप फायनलमध्ये पराभव झाला. भारताच्या पराभवानंतर रोहित निराश आणि हताश झालेला दिसला. रोहितला हा पराभव जिव्हारी लागल्याचं म्हटलं जात आहे.
“रोहितने या पराभवाची नैतिक जबाबदारी स्वीकारत कसोटी कर्णधारपद सोडण्याचा निर्णय घेतलाय. तसेच भारतीय चाहत्यांची जाहीर माफी मागितलीय. तसेच लवकरच कसोटी क्रिकेटमधूनही निवृत्त होणार”, अशा आशयाचं ट्विट सोशल मीडियावर व्हायरल झालं आहे. या ट्विटमुळे क्रीडा विश्वात एकच खळबळ उडाली आहे.
मात्र हे ट्विट फेक आहे. रोहितने निवृत्तीबाबत किंवा कर्णधारपद सोडण्याबाबत कोणतीही प्रतिक्रिया दिलेली नाही. एका युझरने रोहितचा फोटो ट्विट करत चुकीची माहिती शेअर केलेली आहे. दरम्यान हे ट्विट सोशल मीडियावर व्हायरल झालं आहे.
व्हायरल ट्विट
Rohit Sharma said "Sorry to Team India fans. This is my Last Test match as a captain. Soon I'm going to Retire from the Test cricket. Thank you all ". pic.twitter.com/5J5FwFaqfi
— Mufaddal Vohra (@mufaddal_vohra6) June 11, 2023
रोहितकडून चाहत्यांचे आभार
“दरम्यान रोहितने सामन्यानंतर चाहत्यांनी दिलेल्या पाठींब्यासाठीआभार मानले आहेत. क्रिकेट चाहते हे आमच्या पाठीशी होते. मी प्रत्येक चाहत्याचा आभारी आहे. ते प्रत्येक रन आणि विकेटनंतर जल्लोष करत टीमचा जोश वाढवण्याचा प्रयत्न करत होते”,असं रोहितने नमूद केलं.
ऑस्ट्रेलिया प्लेइंग इलेव्हन
पॅट कमिन्स (कर्णधार), डेव्हिड वॉर्नर, उस्मान ख्वाजा, मार्नस लॅबुशेन, स्टीव्हन स्मिथ, ट्रॅव्हिस हेड, कॅमेरॉन ग्रीन, अॅलेक्स कॅरी (विकेटकीपर), मिचेल स्टार्क, नॅथन लियॉन आणि स्कॉट बोलँड.
टीम इंडिया प्लेइंग इलेव्हन
रोहित शर्मा (कॅप्टन), शुबमन गिल, चेतेश्वर पुजारा, विराट कोहली, अजिंक्य रहाणे, श्रीकर भरत (विकेटकीपर), रवींद्र जडेजा, शार्दुल ठाकूर, उमेश यादव, मोहम्मद शमी आणि मोहम्मद सिराज.
