Chetan Chauhan Dies | माजी क्रिकेटपटू आणि उत्तर प्रदेशचे मंत्री चेतन चौहान यांचे निधन
चेतन चौहान यांनी 40 कसोटी सामन्यांमध्ये भारताचे प्रतिनिधित्व केले होते. दिग्गज क्रिकेटपटू सुनील गावस्कर यांचे ते सर्वात दीर्घकाळ सलामीचे जोडीदार होते.
नवी दिल्ली : माजी क्रिकेटपटू आणि उत्तर प्रदेशचे मंत्री चेतन चौहान यांचे निधन झाले. कोरोनाच्या संसर्गानंतर गुरुग्राममधील रुग्णालयात उपचार सुरु असताना त्यांची प्राणज्योत मालवली. वयाच्या 73 व्या वर्षी त्यांनी अखेरचा श्वास घेतला. (Former Indian cricketer and UP Minister Chetan Chauhan passes away after tested Corona Positive )
चेतन चौहान हे उत्तर प्रदेश सरकारमध्ये कॅबिनेट मंत्री होते. काही दिवसांपूर्वी कोरोनाची लागण झाल्यानंतर त्यांच्यावर गुरुग्राममधील रुग्णालयात उपचार सुरु होते. मात्र अवयव निकामी झाल्याने त्यांनी अखेरचा श्वास घेतला.
अविस्मरणीय क्रिकेट कारकीर्द
चेतन चौहान यांनी 40 कसोटी सामन्यांमध्ये भारताचे प्रतिनिधित्व केले होते. दिग्गज क्रिकेटपटू सुनील गावस्कर यांचे ते सर्वात दीर्घकाळ सलामीचे जोडीदार होते.
22 व्या वर्षी मुंबईविरुद्ध पदार्पण केल्यानंतर चेतन चौहान त्यांच्या पिढीतील सर्वात संयमी फलंदाज म्हणून ओळखले जात होते. सलामीवीर म्हणून त्याच्या कारकीर्दीतील सर्वात अविस्मरणीय क्षण म्हणजे 1979 मध्ये ओव्हलच्या मैदानावर गावस्कर यांच्यासोबत केलेली 213 धावांची भागीदारी. त्यावेळी त्यांनी 80 धावांचे योगदान दिले होते.
40 कसोटी सामन्यांव्यतिरिक्त चेतन चौहान यांनी 7 एकदिवसीय सामन्यांमध्ये भारताचे प्रतिनिधित्व केले. त्यांनी दोन्ही स्वरुपात अनुक्रमे 2084 आणि 153 धावा केल्या. एकही शतक न करता कसोटीत दोन हजार धावा पूर्ण करणारे ते पहिले फलंदाज ठरले होते. रणजी करंडक स्पर्धेत त्यांनी दिल्ली आणि महाराष्ट्राचे प्रतिनिधित्व केले होते.
ऑस्ट्रेलिया दौर्यात चेतन चौहान यांनी भारतीय संघाचे व्यवस्थापक म्हणून काम केले. तर दिल्ली आणि जिल्हा क्रिकेट असोसिएशनमध्ये (डीडीसीए) अध्यक्ष, उपाध्यक्ष, सचिव आणि मुख्य सिलेक्टर अशी विविध पदे त्यांनी भूषवली. (Former Indian cricketer and UP Minister Chetan Chauhan passes away after tested Corona Positive)
चेतन चौहान हे 1991 आणि 1998 मध्ये उत्तर प्रदेशमधील अमरोहा येथून दोनदा लोकसभेवर निवडून गेले होते. ऑगस्ट 2018 पासून ते उत्तर प्रदेशचे युवा आणि क्रीडा मंत्री होते.
Former Indian cricketer and UP Minister Chetan Chauhan passes away at a hospital in Gurugram.
He had tested positive for #COVID19. (File pic) pic.twitter.com/9viVVURezX
— ANI (@ANI) August 16, 2020
(Former Indian cricketer and UP Minister Chetan Chauhan passes away after tested Corona Positive)
