IND vs WI 1st T20 सामना होणार की नाही? स्टेडियमपासून 500 मीटरवर असं काय घडलं की थेट…

IND vs WI T20 Match: भारत आणि वेस्ट इंडिज यांच्यातील पाच सामन्यांच्या टी-२० मालिकेतील पहिला सामना लखनौमध्ये खेळला जाईल. दोन्ही संघ विजयी सुरुवात करण्याच्या प्रयत्नात असतील. भारतीय संघ नुकताच आशियाई क्रीडा स्पर्धेत सुवर्णपदक जिंकून परतला आहे. दुसरीकडे, वेस्ट इंडिजने एकदिवसीय सामन्यांमध्ये ३५० हून अधिक धावांचे लक्ष्य गाठून एक विक्रम रचला आहे. आता टी-२० मधील दोन्ही संघाची लढतही चुरशीची होईल यात काही शंका नाही. पण या पहिल्याच टी-२० सामन्यात आता संकट येणार असल्याचे म्हटले जात आहे.

लखनौमधील भारताचा शेवटचा टी-२० सामना खूप चर्चेत होता. एकाना स्टेडियमवर खेळल्या गेलेल्या या सामन्यात न्यूझीलंडचा संघ ९९ धावांवर सर्वबाद झाला. मात्र, भारताने १०० धावांचे लक्ष्य गाठण्यासाठी ११९ चेंडू घेतले. अखेरीस, भारतीय संघाने ६ गडी राखून सामना जिंकला. मात्र, यावेळी लखनौमध्ये एक हाय-स्कोअरिंग सामना पाहायला मिळण्याची शक्यता आहे.

सामन्याच्या काही दिवसांपूर्वी, लखनौ आणि उत्तर भारतात मुसळधार पाऊस झाल्यामुळे गोमती नदीच्या पाण्याची पातळी वाढली आहे. स्टेडियमच्या 500 मीटर आजूबाजूच्या काही भागांमध्ये पाणी साचले आहे, परंतु पाण्याचा निचरा होण्यासाठी मैदानाची चांगली देखभाल केली जाते आहे. यामुळे मैदान पूर्णपणे कोरडे राहिले आहे. सामन्यादरम्यान यामुळे कोणतीही अडचण येणार नाही. पण चाहते मोठ्याप्रमाणात गर्दी करतील की नाही याची थोडी शंकाच वाटू लागली आहे.

हवामान कसे असेल?

मंगळवारी लखनौमध्ये हलक्या पावसाची शक्यता आहे, परंतु संध्याकाळी हवामान पूर्णपणे निरभ्र होईल. पावसाची शक्यता नगण्य आहे. येथील आर्द्रता खूप जास्त आहे आणि रात्री दव पडू शकते. दवामुळे गोलंदाज आणि क्षेत्ररक्षकांना अडचणी येतात. त्यामुळे, नाणेफेक जिंकणारा संघ प्रथम गोलंदाजी करण्याचा निर्णय घेऊ शकतो. भारत आणि वेस्ट इंडिज यांच्यातील एकदिवसीय मालिकेत, तिन्ही सामने लक्ष्याचा पाठलाग करणाऱ्या संघाने जिंकले आहेत.

खेळपट्टी कशी असेल?

लखनौची खेळपट्टी सुरुवातीच्या षटकांमध्ये वेगवान गोलंदाजांना मदत करू शकते. सामन्यापूर्वी हलक्या पावसाचीही शक्यता आहे. पाऊस पडल्यास, नवीन चेंडूमुळे वेगवान गोलंदाजांना स्विंग मिळू शकेल. जुन्या चेंडूमुळे मोठे फटके खेळणे सोपे होईल आणि या सामन्यातही सुमारे २०० धावा होण्याची शक्यता आहे.