IND vs WI: आम्ही त्यांचा सहज पराभव करु…विडिंज कोचच्या मोठमोठ्या बाता, मालिकेत मागे असूनही भारताला दिलं आव्हान
Daren Sammy On IND vs WI 4th T20: भारत आणि वेस्ट इंडिज यांच्यात चौथा टी-२० सामना आज रंगणार आहे. या सामन्यापूर्वी वेस्ट इंडिजच्या कोचने भारतीय संघाला थेट आव्हान दिले आहे.
IND vs WI 4th T20: भारत आणि वेस्ट इंडिज यांच्यात टी-२० मालिका सुरु आहे. या मालिकेतील चौथा सामना आज रंगणार आहे. मालिकेत भारतीय संघ २-१ ने पुढे आहे. चौथा टी-२० सामन्यापूर्वी आता वेस्ट इंडिज संघाचा कोच डॅरेन सॅमीने भारतीय संघाला इशारा दिला आहे. पाच सामन्यांच्या मालिकेत भारत २-१ ने आघाडीवर आहे. दोन्ही संघांमधील चौथा टी-२० आंतरराष्ट्रीय सामना बुधवारी येथे खेळला जाईल. सॅमी म्हणाला की, “गोलंदाजी करताना पॉवरप्लेमध्ये जास्त धावा दिल्यामुळे वेस्ट इंडिजला प्रत्येक वेळी गोलंदाजी करताना पुनरागमन करण्यासाठी अतिरिक्त मेहनत घ्यावी लागत आहे. मला वाटते की आम्ही पॉवरप्लेमध्ये मागे पडत आहोत. त्यामुळेच आम्ही मालिकेत २-१ अशी आघाडी घेऊ शकलो नाही. नाही तर आम्ही सहज भारताचा पराभव करु शकू”
“आम्ही २-१ ने पुढे असू शकलो असतो. वेस्ट इंडिज पॉवरप्लेनंतरच्या तिन्ही टप्प्यांमध्ये भारताचा धावगती दर प्रति षटक १० धावांपेक्षा कमी ठेवण्यात यशस्वी ठरले आहे, परंतु भारतीय फलंदाजांनी पॉवरप्लेमध्ये प्रति षटक सुमारे १४.५ धावांच्या दराने धावा केल्या आहेत. पॉवरप्लेवर नियंत्रण ठेवणे आमच्यासाठी अत्यंत महत्त्वाचे आहे. आतापर्यंत, प्रत्येक वेळी सामन्यात पुनरागमन करण्यासाठी आम्हाला संघर्ष करावा लागला आहे. ही एक अशी बाब आहे ज्यात आम्हाला सुधारणा करण्याची गरज आहे.” असं सॅमी म्हणाला.
सॅमी म्हणाला, “भारतात भारताला हरवण्यासाठी, तुम्हाला फलंदाजी आणि गोलंदाजी दोन्ही पॉवरप्ले जिंकावे लागतील. जेव्हा तुम्हाला फलंदाजीसाठी चांगल्या खेळपट्ट्या मिळतात, तेव्हा तुम्ही नेहमी सामन्यात आहात असे वाटते. दोन मोठी षटके तुम्हाला सामन्यात परत आणू शकतात. अशा खेळपट्ट्यांवर गोलंदाजांसाठी आव्हान अधिक कठीण असते. जिथे २०० किंवा त्याहून अधिक धावा सामान्य असतात, तिथे गोलंदाजांना चुकांना फार कमी वाव असतो. आम्ही पाहिले आहे की जर तुम्ही तुमच्या योजना योग्यरित्या अंमलात आणल्या तर तुम्ही स्पर्धेत टिकून राहू शकता. आपल्या सर्वांना माहित आहे की या खेळपट्ट्यांवर अनेकदा २०० पेक्षा जास्त धावा होतात. जर सरासरी धावसंख्या २०० असेल, तर तुम्हाला प्रतिस्पर्धी संघाला २५० धावांपर्यंत पोहोचण्यापासून रोखावे लागेल.”
“फलंदाजांना रोखण्यासाठी कौशल्याचा योग्य वापर करणे आवश्यक आहे. वेस्ट इंडिजची फलंदाजी मोठ्या प्रमाणावर शाई होपवर अवलंबून आहे, जो सध्या उत्कृष्ट फॉर्ममध्ये आहे. होप क्रीजवर असताना संघाला स्थिरता देतो, परंतु इतर फलंदाजांनीही महत्त्वाचे योगदान दिले आहे. जेव्हा होप क्रीजवर असतो, तेव्हा तो मधल्या फळीला स्थिरता देतो. पण आम्ही सामने जिंकतो याचे तो एकमेव कारण नाही; इतर फलंदाजांनीही योगदान दिले आहे,” असे सॅमी म्हणाला.
