Shubman Gill: ‘मी तर टीममध्ये नाहीय’, शुबमन गिलचं सरळ उत्तर अनेकांना वाटतोय उमर्टपणा
Shubman Gill On IND vs WI T20: भारतीय कर्णधार शुभमन गिलचा आता एक व्हिडिओ व्हायरल होत आहे ज्यात त्याने एअरपोर्टवर दिलेल्या उर्मट उत्तराची चर्चा होत आहे.
Shubman Gill Video: भारत आणि वेस्ट इंडिज यांच्यात वनडे मालिका रंगली जी भारतीय संघाने जिंकली. मालिका भारतीय संघाने २-१ ने जिंकली. यानंतर आता वनडे संघातील खेळाडू आपआपल्या घरी परतत आहे. या दरम्यान भारतीय वनडे संघाचा कर्णधार शुभमन गिलचा एक व्हिडिओ आता सोशल मीडियावर मोठ्या प्रमाणात व्हायरल होत आहे.
वेस्ट इंडिजविरुद्ध नुकत्याच संपलेल्या एकदिवसीय मालिकेनंतर, भारतीय संघाचा कर्णधार शुभमन गिलचा एक व्हिडिओ सोशल मीडियावर व्हायरल होत आहे. या व्हिडिओमध्ये शुभमन गिलला एक असा प्रश्न विचारण्यात आला, ज्यामुळे तो आश्चर्यचकित झाला. नवी चंदीगडमधील सामन्यानंतर, माध्यमांनी शुभमन गिलला टी-२० मालिकेबद्दल काही प्रश्न विचारले. वेस्ट इंडिजविरुद्धची एकदिवसीय मालिका संपल्यानंतर, भारतीय संघ मंगळवार, ६ ऑक्टोबरपासून टी-२० मालिका खेळणार आहे.
We run bcci sarr 😭🙏
“Me toh hu hi nhi ” https://t.co/PuXdJmEvII
— ROintent45 (@RohitVerse__) October 5, 2026
गिल नेमकं काय म्हणाला?
एकदिवसीय मालिका संपल्यानंतर, माध्यमांनी शुभमन गिलशी संवाद साधला. सुरुवातीला, त्याने जपानमध्ये २०२६ च्या आशियाई क्रीडा स्पर्धेत भारतीय संघाने सुवर्णपदक जिंकल्याबद्दल आनंद व्यक्त केला आणि संपूर्ण संघाचे अभिनंदन केले. पण नंतर एका पत्रकाराने गिलला वेस्ट इंडिजविरुद्धच्या टी-२० मालिकेसाठीच्या त्याच्या रणनीतीबद्दल विचारले. या अचानक विचारलेल्या प्रश्नामुळे गिल थोडा अस्वस्थ आणि आश्चर्यचकित दिसला. तो लगेचच पत्रकाराला बोलला “अरे मी तर संघातही नाहीये.” गिलचे सरळ उत्तर अनेक चाहत्यांना उर्मट असल्याचे दिसत आहे.
भारत आणि वेस्ट इंडिज टी-२० मालिकेला आजपासून सुरुवात होणार आहे. या मालिकेत एकूण पाच टी-२०सामना खेळवले जातील. आता या मालिकेत वैभव सूर्यवंशीला स्थान मिळते की नाही यात जरा शंका आहे, कारण कर्णधार श्रेयस अय्यर, मुख्य प्रशिक्षक गौतम गंभीर यांच्या विधानाने वैभवला या मालिकेत संधी मिळणार नाही अशी चिन्हे दिसत आहेत. आशियाई क्रीडा स्पर्धेसारख्या मोठ्या स्पर्धेत वैभवला संधी मिळाली होती. वैभवला पाकिस्तानविरुद्ध फायनल सामन्यात चांगली कामगिरी करता आलेली नाही.
