India vs West Indies : टीम इंडियाचा वेस्ट इंडिजवर मोठा विजय, मालिकेत 3-1 ने आघाडी
मालिकेतील हा चौथा सामना अमेरिकेतील फ्लोरिडा येथे खेळला गेला. पावसामुळे सामना सुरू होण्यास थोडा उशीर झाला. पण येथे वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला
मुंबई : भारताने (India) चौथ्या T20 सामन्यात वेस्ट इंडिजचा (West Indies) 59 धावांनी पराभव करत पाच सामन्यांची मालिका 3-1 अशी जिंकली, फक्त एक सामना (Match) बाकी आहे. या सामन्यात प्रथम फलंदाजी करताना टीम इंडियाने 191 धावा केल्या होत्या, नंतर फलंदाजी करताना वेस्ट इंडिजचा डाव गडगडला आणि अवघ्या 132 धावांवर सर्वबाद झाला.
वेस्ट इंडिजला 132 धावा करता आल्या
मालिकेतील हा चौथा सामना अमेरिकेतील फ्लोरिडा येथे खेळला गेला. पावसामुळे सामना सुरू होण्यास थोडा उशीर झाला. पण येथे वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना भारताने 191 धावा केल्या, प्रत्युत्तरात वेस्ट इंडिजला 132 धावा करता आल्या. वेस्ट इंडिजकडून रोव्हमन पॉवेल आणि निकोलस पूरन यांनी 24-24 धावा केल्या, तर उर्वरित फलंदाजी अपयशी ठरली. भारताकडून अर्शदीप सिंगने तीन, आवेश खान-अक्षर पटेल-रवी बिश्नोईने 2-2 बळी घेतले.
टीम इंडिया अशी फलंदाजी करत आहे
या सामन्यात प्रथम फलंदाजी करताना भारताने 191 धावा केल्या होत्या. ऋषभ पंतने टीम इंडियासाठी 44 धावांची इनिंग खेळली, त्याने आपल्या इनिंगमध्ये 6 चौकार मारले. त्यांच्याशिवाय संजू सॅमसननेही अखेरीस ३० धावांची जलद खेळी केली. कर्णधार रोहित शर्मा आणि सूर्यकुमार यादव यांनी या सामन्यात भारताला वेगवान सुरुवात करून दिली. रोहित शर्माने अवघ्या 16 चेंडूत 33 धावा केल्या. तर सूर्यकुमार यादवने 14 चेंडूत 24 धावा केल्या.
