महानआर्यमन सिंधिया आणि शिखर धवन यांच्या हस्ते ग्वालहेरमध्ये होणार डा वन हाय परफॉर्मन्स सेंटरचे उद्घाटन

मध्य प्रदेश क्रिकेट असोसिएशनचे अध्यक्ष महानआर्यमन सिंधिया आणि माजी भारतीय क्रिकेटपटू शिखर धवन यांच्या उपस्थितीत 30 एप्रिल रोजी ग्वाल्हेरमध्ये मोठा क्रिकेट कार्यक्रम आयोजित केला जाणार आहे. राज्यातील क्रिकेटला अधिक बळकटी देण्यासाठी दोन महत्त्वाचे उपक्रम या दिवशी पार पडणार आहेत.

हाय परफॉर्मन्स सेंटरचे उद्घाटन

ग्वाल्हेरमधील युवा आणि उदयोन्मुख खेळाडूंना अधिक चांगले प्रशिक्षण मिळावे यासाठी डा वन हाय परफॉर्मन्स सेंटरचे उद्घाटन करण्यात येणार आहे. हे प्रशिक्षण केंद्र आदित्य वर्ल्ड क्रिकेट अकादमी येथे उभारले जात आहे. या सेंटरचे उद्घाटन महानआर्यमन सिंधिया, शिखर धवन आणि सबा करीम यांच्या हस्ते होणार आहे.

आदित्य वर्ल्ड क्रिकेट अकादमीत सुरू होणाऱ्या या हाय परफॉर्मन्स सेंटरचे संचालन रोहित वाधवा करणार आहेत. ते बुंदेलखंड बुल्सचे मालक असून ग्वाल्हेर-चंबळ भागातील खेळाडूंना मध्य प्रदेश लीगच्या माध्यमातून नवी संधी मिळवून देण्याचा प्रयत्न करत आहेत. या सेंटरमुळे स्थानिक युवा खेळाडूंना दर्जेदार प्रशिक्षण सुविधा उपलब्ध होणार आहेत.

MPL Women ड्राफ्टचे आयोजन

MPL Women अंतर्गत महिला खेळाडूंसाठी ड्राफ्टचे आयोजन देखील करण्यात येणार आहे. राज्यभरातील 300 हून अधिक युवा महिला क्रिकेटपटूंमधून सर्वोत्तम प्रतिभावान खेळाडूंची निवड केली जाईल. यासाठी पाच महिला संघ आपापल्या रणनीतीनुसार खेळाडूंना निवडतील.

MPL Women मध्ये दोन नव्या संघांची भर

2025 मध्ये MPL Women च्या पहिल्या हंगामात फक्त 3 संघ होते. मात्र यंदा दोन नव्या संघांच्या समावेशामुळे आता एकूण 5 महिला संघ स्पर्धेत सहभागी होणार आहेत. या संघांची नावे बुंदेलखंड बुल्स, रॉयल निमार ईगल्स, ग्वाल्हेर शेरनीस, भोपाळ वोल्वोस, चंबळ घडियाल या संघांचा समावेश आहे.

कार्यक्रमाचे वेळापत्रक

• 11:30 AM: Da One HPC उद्घाटन
• 12:30 PM – 1:00 PM: Da One AV आणि ओरिएंटेशन
• 1:00 PM – 2:30 PM: MPL Women Draft
• 2:30 PM: दुपारचे भोजन
• स्थळ: Aditya World School, ग्वाल्हेर
• तारीख: 30 एप्रिल 2026