पाकिस्तानच्या या खेळाडूचा टी-ट्वेन्टी 2020 मध्ये जलवा, सर्वाधिक रन्स करण्याचा रेकॉर्ड नावावर

पाकिस्तानचा धडाकेबाज बॅट्समन मोहम्मद हाफिजने टी-ट्वेन्टी 2020 मध्ये सर्वाधिक रन्स करण्याचा मान मिळवला आहे.

Akshay Adhav | Updated on: Dec 23, 2020 | 8:54 AM

नवी दिल्ली : पाकिस्तानचा (pakistan) धडाकेबाज बॅट्समन मोहम्मद हाफिजने (Mohammad Hafeez) टी-ट्वेन्टी 2020 मध्ये सर्वाधिक रन्स करण्याचा मान मिळवला आहे. मोहम्मद हाफिजने 2020 मध्ये टी-ट्वेन्टी क्रिकेटमध्ये 8 डावांत 415 रन्स फटकावल्या आहेत. या वर्षी हाफिजने 10 इंटरनॅशनल टी-ट्वेन्टी सामने खेळले. यामध्ये त्याने 4 अर्धशतके ठोकली. (Mohammad Hafeez highest runs in t20 2020 year)

पाकिस्तानने न्यूझीलंडविरुद्ध तिसरी टी ट्वेन्टी मॅच जिंकत यावर्षीचा शेवट केला. पाकिस्तान आणि न्यूझीलंडदरम्यान 26 डिसेंबरपासून कसोटी मालिकेला सुरुवात होणार आहे. तिसऱ्या टी-ट्वेन्टीनंतर आता यावर्षी पाकिस्तान आणखी टी-20 मॅच खेळणार नाही. त्यामुळे यावर्षी टी-ट्वेन्टीमध्ये सर्वाधिक रन्स करण्याचा मान मोहम्मद हाफिजने मिळवला आहे.

View this post on Instagram

A post shared by Misbah Ul Haq (@misbahulhaqpk)

टी-ट्वेन्टीमध्ये सर्वाधिक रन्स करण्याच्या बाततीत मोहम्मद हाफिजने भारतीय बॅट्समन के.एल.राहुलला देखील मागे टाकले आहे. के.एल. राहुलने यावर्षी 10 इंटरनॅशनल टी-ट्वेन्टी मॅच खेळल्या. ज्यामध्ये त्याने 4 अर्धशतकांच्या साहाय्याने 404 धावा ठोकल्या. सर्वाधिक रन्स करणाऱ्या खेळाडूंमध्ये तिसऱ्या नंबरवर इंग्लंडचा डेव्हिड मलान आहे. त्याने 300 पेक्षा अधिक धावा करताना 4 अर्धशतके ठोकली.

विराट कोहलीने यावर्षी खेळताना 9 टी-ट्वेन्टीत 295 रन्स केले. कोहली यावर्षी टी ट्वेन्टीत केवळ एकच अर्धशतक ठोकू शकला. यावर्षी कोहलीसाठी टी-ट्वेन्टी क्रिकेट काही खास ठरलं नाही. दुसरीकडे पाकिस्तानचा बाबर आजमने 8 मॅचमध्ये 6 डावांत बॅटिंग करताना 276 रन्स केले ज्यामध्ये त्याने 4 अर्धशतके ठोकली.