Wimbledon 2021, Men’s Final: नोव्हाक जोकोविच आणि मातेयो बेरेटिनीमध्ये अंतिम लढत, सामना कधी, कुठे आणि कसा पाहणार?

जगातील अव्वल क्रमाकांचा टेनिसपटू नोव्हाक जोकोविच (Novak Djokovic) मातेयो बेरेटिनी (Matteo Berrettini) याच्यासोबत विम्बल्डन स्पर्धेची पुरुष एकेरीतील अंतिम लढत लढणार आहे. या सामन्याला आता अवघे काही तास शिल्लक आहेत.

नोव्हाक जोकोविच आणि मातेयो बेरेटिनी यांच्यात अंतिम लढत रंगणार आहे.

TV9 मराठी डिजीटल टीम | Edited By: shashank patil | Updated on: Jul 11, 2021 | 2:02 PM

Wimbledon 2021 : विम्बल्डनमध्ये (Wimbledon 2021) या टेनिस जगतातील मानाच्या स्पर्धेत शनिवारी महिला एकेरीत ऑस्ट्रेलियाच्या अ‍ॅश्ले बार्टीने(Ashleigh barty) चेक रिपब्लिकची कॅरोलिना प्लिस्कोवा (Karolina Pliskova) हिला नमवत पहिल्यांदाच विम्बल्डनचा खिताब पटकावला. त्यानंतर आज (रविवारी) पुरुष एकेरीची अंतिम लढत आहे. हा सामना वर्ल्ड चॅम्पियन आणि नुकताच फ्रेंच ओपनवर नाव कोरलेला सर्बियाचा नोव्हाक जोकोविच (Novak Djokovic) इटलीच्या मातेयो बेरेटिनी (Matteo Berrettini) विरुद्ध खेळणार आहे. (Men Singles Final in Wimbledon 2021 Will played in Novak Djokovic vs Matteo Berrettini Know Date Time and where to watch in India)

भारतातही टेनिसचे अनेक चाहते आहेत. त्यामुळे या जगातील महत्त्वाच्या टेनिस स्पर्धेकडे सर्वांचेच लक्ष लागून आहे. या सामन्याचा विचार करता 19 वेळा ग्रँड स्लॅम विजेता जोकोविच सामना करत असलेल्या इटलीच्या मातेयोने पहिल्यांदाच एखाद्या ग्रँड स्लॅमच्या अंतिम सामन्यात प्रवेश केला आहे. तो इटली देशाचा पहिला टेनिसपटू आहे जो विम्बल्डनच्या अंतिम सामन्यापर्यंत पोहोचला आहे.

दोघांसाठी विजय अत्यंत ‘स्पेशल’

आजचा सामना जर नोव्हाकने जिंकला तर त्याचे हे 20 वे ग्रँड स्लॅम असेल. ज्यामुळे तो रॉजर फेडरर (Roger Federer) आणि राफेल नदाल (Rafael Nadal) यांच्या 20 ग्रँड स्लॅम जिंकण्याच्या विक्रमाशी बरोबरी करु शकतो. दुसरीकडे मातेयो याच्यासह त्याचा देश इटलीसाठी हा विजय अत्यंत महत्त्वाचा असू शकतो. कारण याआधी 1976 मध्ये फ्रेंच ओपन स्पर्धेत एड्रियानो पनाटा यांनी विजय मिळवत इटलीला पहिले ग्रँड स्लॅम मिळवून दिले होते. त्यानंतर इटलीचा टेनिसपटू खेळत असलेला हा पहिलाच ग्रँड स्लॅमचा अंतिम सामना आहे.