Euro 2020 : बाद फेरीचे सामने संपले, आता 8 अंतिम संघामध्ये रंगणार युद्ध, वाचा उपांत्यपूर्व फेरीतील सामन्यांचे संपूर्ण वेळापत्रक
युरोपियन देशात सुरु असलेली युरो चषक स्पर्धा आता अंतिम टप्प्यात पोहचली असून सर्व बाद फेरीचे सामने संपले आहेत. त्यामुळे आता उपांत्यपूर्व फेरीच्या सामन्यांना सुरुवात होणार असून यंदा बरेच नवे संघ जे मागील बरेच वर्ष उपांत्यपूर्व फेरीपर्यंत पोहोचले नव्हते ते पोहोचले असल्याने स्पर्धा पाहण्याची उत्सुकता आणखी वाढली आहे.
कोबेनहवन : युरोपियन देशांत सर्वांत मानाची फुटबॉल स्पर्धा म्हटलं तर युरो चषक (Euro Cup 2020). यंदाचा युरो चषकही दरवर्षीप्रमाणे चुरशीचा होत असून अनेक अनपेक्षित असे रिझल्ट समोर आले आहेत. शेवटच्या मिनिटांमध्ये गोल, पेनल्टी शूटआऊट, अतिरिक्त वेळेत गोल अशा रिझल्ट्समुळे यंदा बऱ्याच मातब्बर संघाना उपांत्यपूर्व फेरी आधीच स्पर्धेतून बाहेर पडावे लागले आहे. सध्या बाद फेरीचे सामने संपले असून अंतिम 8 संघ उपांत्यपूर्व फेरीत पोहोचले आहेत. (UEFA Euro 2020 Round 16 Matches Over Now Quarter Final Matches Will Start Read Full Schedule of Euro Cup)
बाद फेरीच्या सामन्यात गतविजेते पोर्तुगाल, विश्वविजेते, फ्रान्स, जर्मनी अशा दिग्गज संघाना पराभवाचा सामना करावा लागला असून युक्रेन, स्वित्झर्लंडसारखे संघ उपांत्यपूर्व फेरीत पोहोचले आहेत. दरम्यान या सर्व बाद फेरीच्या सामन्यातील सर्वात रोमहर्षक आणि धक्कादायक सामना म्हणजे फ्रान्स आणि स्वित्झर्लंड यांच्यातील विश्वविजेचत्या फ्रान्सला स्वित्झर्लंडने पेनल्टी शूटआऊटमध्ये मात दिली. 5-4 च्या फरकाने पेनल्टी शूटआऊट जिंकत फ्रान्सने सामना आपल्या नावे करत उपांत्यपूर्व फेरीत जागा मिळवली. तसेच चेक रिपब्लिक संघाने देखील नेदरलँडला 2-0 च्या फरकाने धक्कादायक मात दिली. रोनाल्डो कर्णधार असलेल्या पोर्तुगाल संघाला देखील बेल्जियमने चुरशीच्या सामन्यात मात दिली ज्यामध्ये पोर्तुगालने 23 वेळा प्रयत्न करुनही त्यांना एक देखील गोल करता आला नाही.
उपांत्य पूर्व फेरीचे वेळापत्रक
बाद फेरीत 16 संघामधून 8 संघ स्पर्धेबाहेर तर उर्वरीत 8 संघ उपांत्य पूर्व फेरीत पोहोचले आहेत. आता या 8 संघात 2 जुलैपासून उपांत्यपूर्व फेरीच्या सामन्यांना सुरुवात होणार आहे. ज्यामध्ये 3 जुलैला इटली आणि बेल्जियम यांच्यातील सामन्याकडे सर्वांचे लक्ष लागून आहे. कारण या दोन्ही संघाना विजयाचे दावेदार मानलं जात असल्याने कोणतातरी एक संघ या सामन्यानंतर स्पर्धेबाहेर जाणार आहे.
|
2 जुलै |
स्वित्झर्लंड vs स्पेन |
9.30pm |
सेंट पीटर्सबर्ग |
|
3 जुलै |
बेल्जियम vs इटली |
12.30 am |
म्यूनिख |
|
3 जुलै |
चेक रिपब्लिक vs डेन्मार्क |
9.30pm |
बाकू |
|
4 जुलै |
युक्रेन vs इंग्लंड |
12.30am |
रोम |
हे ही वाचा :
Euro 2020 : रोमहर्षक सामन्यात स्पेनचा विजय, क्रोएशियाला नमवत नवा रेकॉर्डही केला नावे
Euro 2020 : रोनाल्डो ठरला Successful, एकाच सामन्यात चार दमदार विक्रम नावावर
(UEFA Euro 2020 Round 16 Matches Over Now Quarter Final Matches Will Start Read Full Schedule of Euro Cup)
