Pakistan Cricket Team : पाकिस्तानची पुन्हा जगासमोर लाज निघाली, एकीने पाय पकडले, दुसरी उलटी झाली… संघाची विचित्र ट्रेनिंगचा Video Viral

Pakistan Cricket Team : पाकिस्तानच्या पुरुष क्रिकेट संघाच्या विचित्र लष्करी सरावाच्या कवायती आणि मैदानातील खराब क्षेत्ररक्षणाच्या कथा नेहमीच चर्चेत असतात, पण आता पाकिस्तानच्या महिला क्रिकेट संघाचा एक अतिशय विचित्र आणि मजेशीर सरावाचा व्हिडिओ इंटरनेटवर व्हायरल होत आहे. हा व्हिडिओ पाहिल्यानंतर, भारताचा माजी क्रिकेटपटू आणि प्रसिद्ध समालोचक आकाश चोप्रा यांनी पाकिस्तान क्रिकेट बोर्डाच्या प्रशिक्षण पद्धतींवर टीका केली आहे.

सोशल मीडियावर मोठ्या प्रमाणावर शेअर होत असलेल्या या व्हिडिओमध्ये, चार खेळाडू एकमेकांचे हात आणि पाय धरून एक विचित्र मानवी साखळी तयार करताना दिसत आहेत. एक खेळाडू खाली बसलेली आहे, दुसरी हवेत तरंगत आहे आणि उरलेल्या दोघी तिला आधार देत आहेत. हा व्हिडिओ पाहणारे चाहते विचारत आहेत की, अशा व्यायामाचा किंवा सर्कसमधील कसरतींचा क्रिकेटमधील टायमिंग, झेल किंवा फिटनेसशी काय संबंध आहे. सुरुवातीला हा वरिष्ठ महिला संघाचा सराव असल्याचे वृत्त असले तरी, प्रत्यक्षात हे पाकिस्तानच्या १९ वर्षांखालील महिला संघाच्या सरावातील एक दृश्य असल्याचे वृत्त आहे.

सोशल मीडियावर आपल्या स्पष्टवक्त्या मतांसाठी ओळखल्या जाणाऱ्या आकाश चोप्राने या व्हिडिओद्वारे पाकिस्तान क्रिकेटच्या नव्या प्रयोगांवर टीका केली आहे. आकाश चोप्राने गंमतीने सुचवले की, पाकिस्तान क्रिकेट आता खेळापेक्षा विनोदाचा विषय जास्त बनत चालले आहे. तो म्हणाला की, पाकिस्तानचा पुरुष संघ त्यांच्या अनोख्या शिबिरांमुळे आणि क्षेत्ररक्षणाच्या सरावामुळे आधीच ट्रोल झाला आहे, आणि आता असे दिसते की महिला संघानेही त्याचेच अनुकरण केले आहे.

पाकिस्तान क्रिकेटमधील या विचित्र घटनांमुळे नेहमीच त्यांची नाचक्की होते. आकाश चोप्राने अशीही टिप्पणी केली की, जग चंद्रावर पोहोचले आहे, पण पाकिस्तान अजूनही तिथेच अडकले आहे. पाकिस्तान क्रिकेटमध्ये असे प्रकार होत असतात यामुळे त्यांचे प्रयत्न कमी पडतात. यामुळे मोठ्या स्पर्धेत पाकिस्तानचा संघ योग्य सराव करु शकत नाही. पाकिस्तानच्या सराव करण्याच्या पद्धतीवर नेहमचीच जगात हशा उडवली जाते.