सानिया मिर्झाने चाहत्यांना दिली गुडन्यूज, इन्स्टाग्रामवर केली घोषणा
भारताची स्टार टेनिस खेळाडू सानिया मिर्झा गेल्या काही दिवसांपासून शोएब मलिकसोबत घटस्फोटामुळे चर्चेत आहे. दोघांचा घटस्फोट झाल्यानंतर ती भारतात परतली आहे. सध्या ती हैदराबादमध्ये आई-वडिलांसोबत राहत असून तिने तिच्या चाहत्यांसाठी एक गुडन्यूज दिली आहे.
गेल्या दोन दशकांपासून सानिया मिर्झा (Sania Mirza) ही भारतातील सर्वात प्रसिद्ध महिला टेनिस खेळाडू आहे. पाकिस्तानी क्रिकेटर शोएब मलिकपासून घटस्फोट घेतल्यानंतर ती पुन्हा एकदा चर्चेत आली होती. सानिया मिर्झाचे भारतात खूप चाहते आहेत. तिच्याबद्दल जाणून घेण्यासाठी ते नेहमीच आतुर असतात. सानियाने टेनिस कोर्टवर तिच्या यशस्वी कारकिर्दीद्वारे स्वतःची वेगळी ओळख निर्माण केली आहे. या वैयक्तिक घडामोडींदरम्यान, भारताचा दिग्गज गोलंदाज मोहम्मद शमीसोबत लग्नाच्या अफवा देखील भरपूर पसरल्या आहेत. मात्र, सानियाचे वडील इम्रान मिर्झा यांनी ही गोष्ट फेटाळून लावली आहे.
चाहत्यांना दिली गुडन्यूज
सानियाने तिच्या चाहत्यांना एक गुडन्यूज दिली आहे. सानिया मिर्झाने बुधवारी इंस्टाग्रामवर याची घोषणा केली की, अमेरिकन आइस्क्रीम कंपनी हॅगेन-डॅझच्या पुढाकाराने हॅगेन-डॅझ रोझ प्रोजेक्टची ब्रँड ॲम्बेसेडर म्हणून तिची नियुक्ती करण्यात आली आहे. मीडिया रिपोर्ट्सनुसार, Haagen-Dazs ची वार्षिक कमाई 3,705 कोटी रुपये आहे.
2023 मध्ये, Haagen-Dazs ने आंतरराष्ट्रीय महिला दिनी रोझ प्रकल्प लाँच केला. हा जागतिक उपक्रम रोझ मॅटस यांना सन्मानित करतो, हागेन-डॅझचे प्रेरणादायी परंतु अनेकदा दुर्लक्षित सह-संस्थापक, आणि सर्व स्तरांवर महिलांना समर्थन देण्याचे उद्दिष्ट आहे. हा प्रकल्प अशा महिलांचा गौरव करतो ज्यांनी समाजात महत्त्वपूर्ण योगदान दिले आहे.
द रोझ प्रोजेक्ट जगभरातून नामांकने मागवतो. आणि पहिल्या वर्षात त्याला 2,500 हून अधिक नामांकन मिळाले होते. याव्यतिरिक्त, ते उत्पादने आणि दुकान विक्रीतून मिळणाऱ्या उत्पन्नाद्वारे यूके, तैवान आणि भारतातील महिला धर्मादाय संस्थांना मदत करतात.
View this post on Instagram
सानिया मिर्झाने पूर्ण केली हज यात्रा
भारतीय टेनिस स्टार सानिया मिर्झाने अलीकडेच हज यात्रा पूर्ण केली आहे. सानियाचे वडील इम्रान मिर्झा, मेहुणा असदुद्दीन आणि बहीण अनम मिर्झा हे देखील तिच्यासोबत होते.
सानिया आणि तिच्या कुटुंबीयांचे घरी परतताना हार आणि फुलांनी स्वागत करण्यात आले. सानियाची आई नसीम मिर्झाने इंस्टाग्रामवर स्वागताचा फोटो शेअर केला आहे. मात्र, हा फोटो हैदराबाद विमानतळावर की मुंबईवर काढण्यात आला हे स्पष्ट झालेले नाही.
