“टीम इंडियाचे खेळाडू इंजेक्शन..”, चीफ सिलेक्टर चेतन शर्मा यांचा धक्कादायक खुलासा

टीम इंडियाच्या खेळाडूंबाबत चेतन शर्मा यांचा धक्कादायक खुलासा, इंजेक्शनबाबत मोठं वक्तव्य

मुंबई : भारतीय क्रिकेट नियामक मंडळाचे चीप सिलेक्टर चेतन शर्मा यांच्या धक्कादायक खुलाशानंतर एकच खळबळ उडाली आहे. त्यांनी भारतीय संघातील खेळाडूंवर गंभीर आरोप केले आहेत. काही खेळाडू फीट अँड फाईन राहण्यासाठी इंजेक्शन घेत असल्याचा आरोप केला आहे. चेतन शर्मा यांची नुकतीच चीफ सिलेक्टरपदी पुन्हा नियुक्ती करण्यात आली आहे. एका खासगी चॅनेलच्या स्टिंग ऑपरेशनमध्ये हा धक्कादाखक खुलासा करण्यात आला आहे. विशेष म्हणजे चेतन शर्मा यांनी जसप्रीत बुमहाहची दुखापत आणि खेळाडूंना संघाबाहेर राहणं भीतीदायक वाटत असल्याचं देखील सांगितलं आहे.

भारतीय संघातील खेळाडू गेल्या काही दिवसांपासून फिटनेसमुळे आत बाहेर होत आहेत. खासकरून गेल्या वर्षी संघातील वरिष्ठ खेळाडू दुखापतीमुळे खेळू शकले नव्हते. तर काही खेळाडूंनी संघात पुनरागमन करून दुखापतग्रस्त असल्याचं पाहीलं गेलं आहे. त्यामुळे खेळाडूंचा फिटनेस वारंवार खराब का होत आहे? असा प्रश्न पडतो. मात्र चेतन शर्मा यांच्या स्टिंग ऑपरेशननंतर धक्कादायक माहिती समोर आला आहे.

चेतन शर्मा यांचे स्टिंग ऑपरेशनमधील आरोप

• अनफिट खेळाडू फिट दिसण्यासाठी फेक इंजेक्शन घेतात.
• पेन किलर इंजेक्शन घेत नाही कारण त्यासाठी डॉक्टरची प्रिस्क्रिप्शन लागते. तसेच डोपिंगमध्ये पकडले जाऊ शकतात.
• डॉक्टरांना बोलवून इंजेक्शन घेतात. यामुळे डोप टेस्टमध्ये पडकले जाऊ शकत नाही.
• जसप्रीत बुमराह झालेली जखम मोठी आहे. एक सामना आणखी खेळला असता तर पूर्ण वर्षभरासाठी बाहेर गेला असता.
• प्रत्येक खेळाडूला संघाबाहेर जाण्याची भीती सतावत आहे. यासाठी इंजेक्शन लावून फीट राहतात.
• कोणताही खेळाडू संघातील स्थान सोडू इच्छित नाही. यासाठी इंजेक्शन घेऊन स्वत:ला फीट ठेवतात.
• संजू सॅमसंगबाबत सिलेक्टर्स दबावात आहेत.

कोण आहेत चेतन शर्मा

भारतीय क्रिकेट नियामक मंडळाद्वारे 7 जानेवारी 2023 नव्या निवड समितीची घोषणा करण्यात आली.या समितीत पुन्हा एका माजी क्रिकेटपटू चेतन शर्मा यांची चीफ सिलेक्टर म्हणून निवड करण्यात आली आहे. चेतन शर्मा यांच्या नेतृत्वाखाली मागील सिलेक्शन समितीला दोनदा टी 20 वर्ल्डकप पराभवाला सामोरं जावं लागलं होतं. त्यानंतर बीसीसीआयने नवी सिलेक्शन समितीची बनवण्याची घोषणा केली होती. मात्र पुन्हा त्यांची नियुक्ती करण्यात आली.