Kavya Maran : पाकिस्तानी खेळाडूवर डाव लावणं काव्या मारनला पडलं महागात ! सनरायजर्सला बसला मोठा झटका

IPL 2026 चा सीझन सुरू होण्यापूर्वीच सनरायजर्स हैदराबादची मालक काव्या मारन मोठ्या वादात सापडली आहे. इंग्लंडच्या ‘द हंड्रेड’ लीग मध्ये सनरायजर्स ग्रुपच्या फ्रँचायझीने पाकिस्तानी खेळाडूला विकत घेतलं, ज्यामुळे हा सगळा वाद सुरू झाला. ‘द हंड्रेड’ मध्ये पहिल्यांदाच लिलाव आयोजित करण्यात आला होता, ज्यामध्ये सनरायझर्स लीड्सने मोठी रक्कम देऊन पाकिस्तानी फिरकी गोलंदाज अबरार अहमदला विकत घेतलं होतं. तेव्हापासून काव्या मारनवर जोरदार टीका करण्यात येत आहे. हे सगळं कमी की काय म्हणून आता सनरायजर्स लीडचं सोशल मीडिया अकाऊंट अचानक बंद करण्यात आल्याने सगळेच हैराण झालेत.

का n, म्हणजेच 12 मार्त, गुरुवारी द हंड्रेड मेन्स टूर्नामेंटसाठी इंग्लंडमध्ये पहिल्यांदाच खेळाडूंचा लिलाव झाला. त्यामध्ये सनरायझर्स लीड्सने तब्बल पाकिस्तानी लेग-स्पिनर अबरार अहमदला 1,90,000 पौंड म्हणजेच अंदाजे 2.3 कोटी रुपये एवढी मोठी रक्कम देऊन विकत घेतलं. यावेळी तिच्या फ्रँचायझीसह काव्या मारन देखील लिलावाच्या टेबलावर उपस्थित होती, पण सनरायजर्स संघाच्या या निर्णयामुळे सोशल मीडियावर बरीच चर्चा झाली, टीकाही झाली आणि गोंधळ माजला.

अकाऊंट सस्पेंड ?

या निर्णयापासूनच काव्या मारन आणि तिच्या फ्रँचायजीवर जोरदार टीका होताना दिसत असून लोका त्यांना सुनावत आहेत. हा वाद कमी की काय म्हणून आता या फ्रँचायझीचं सोशल मीडिया अकाउंट अचानक सस्पेंड करण्यात आलं आहे. लिलावात अबरारच्या खरेदीवरून वाद निर्माण झाल्यानंतर काही तासांतच, सनरायझर्स लीड्सचे ‘X’ अकाउंट निलंबित करण्यात आले. X च्या नियमांचे उल्लंघन केल्याबद्दल अकाऊंट निलंबित करण्यात आलं आहे, असं फ्रँचायझीच्या अकाऊंटवर नमूद करण्यात आलं आहे. मात्र नेमक्या कोणत्या नियमाचे उल्लंघन झालं आणि अकाऊंट का सस्पेंड केलं हे मात्र अद्याप स्पष्ट झालेल नाही.

Sunrisers Leeds after signing Pakistani Player Abrar Ahmed for The Hundred league.

– Hope Kavya Maran will release that Player from their squad. pic.twitter.com/TqSXmgeu2X

— Anant (@ImAnant_45) March 13, 2026

पाकिस्तानी खेळाडूंवर नजर

ऑक्शनबद्दल बोलायचं झालं तर स्पर्धेतील चार भारतीय मालकीचे संघ पाकिस्तानी खेळाडू खरेदी करतील का याकडे सर्वांचे लक्ष होते. आयपीएलमधील चार भारतीय मालकीचे संघ पाकिस्तानी खेळाडू खरेदी करणार नाहीत असा दावा एका वृत्तात करण्यात आला होता., त्यानंतरच असा सवाल निर्माण झाला होता. यानंतर, ईसीबीने सर्व फ्रँचायझींशी सल्लामसलत करून एक निवेदन जारी केलं. खेळाडूंना त्यांच्या राष्ट्रीयत्वाच्या आधारावर नव्हे तर त्यांच्या प्रतिभेच्या आधारावर खरेदी करण्यात येईल, असं त्यात नमूद करण्यात आलं होतं. या लिलावात 13 पाकिस्तानी खेळाडू सहभागी झाले असले तरी, अबरार व्यतिरिक्त फक्त फिरकी गोलंदाज उस्मान तारिकला खरेदी करण्यात आलं. त्याला बर्मिंगहॅम फिनिक्सने विकत घेतलं.