Vaibhav Sooryavanshi Video: नाद करतो काय! वैभव बॅटिंगसह बॉलिंगमध्येही सरस, अभिषेक शर्माला असा चेंडू टाकला की त्याची बोलती बंद झाली
वैभव सूर्यवंशी हा फलंदाजीत तर कमाल करतोच हे सगळ्यांना माहित आहे पण तो गोलंदाजीतही तो अव्वल आहे हे खूप कमी लोकांना माहित आहे. आता सराव क्षेत्रात वैभवने अभिषेक शर्माला एक चेंडू असा फेकला जो पाहून अभिषेकलाही आश्चर्याचा धक्का बसला आहे.
आयर्लंडविरुद्धच्या पहिल्या टी-20 आंतरराष्ट्रीय सामन्यात वैभव सूर्यवंशी पदार्पण करणार की नाही हे अद्याप स्पष्ट झालेले नाही. वैभवने पदार्पण करताच तो सचिन तेंडुलकरांचा विक्रम मोडेल. वैभवने सामन्यापूर्वी खूप मेहनत घेतली आहे. बेलफास्टमधील सराव सत्रादरम्यान सूर्यवंशीने फिटनेस ड्रिल्स आणि जोरदार फलंदाजी करत खूप घाम गाळला. आश्चर्याची गोष्ट म्हणजे, सूर्यवंशीने नेट्समध्ये बराच वेळ घालवून गोलंदाजीचाही सराव केला. त्याने नेट्समध्ये अभिषेक शर्मालाही गोलंदाजी केली आणि आश्चर्याची गोष्ट म्हणजे, त्याने जगातील नंबर 1 टी-20 फलंदाजाला चकवले. बेलफास्टमधील सरावादरम्यान, अभिषेक शर्मा वैभव सूर्यवंशीसोबत त्याच नेट्समध्ये फलंदाजी करत होता. अभिषेकने सूर्यवंशीच्या एका चेंडूवर मोठा फटका मारला, पण या 15 वर्षीय खेळाडूने पुढच्याच चेंडूवर त्याला चकवले. ज्याचा व्हिडिओ सोशल मीडियावर मोठ्या प्रमाणात व्हायरल होत आहे.
फार कमी लोकांना हे माहीत आहे की सूर्यवंशी डावखुरी फिरकी गोलंदाजीही करतो. प्रथम श्रेणी क्रिकेटमध्ये त्याने दोन बळी घेतले आहेत. अभिषेकने सुरुवातीला त्याला मोठा फटका मारला पण नंतर त्याने ज्या पद्धतीने चेंडू टाकला हे पाहून अभिषेकला पण आश्चर्याचा धक्का बसला. तर वैभव खळखळून हसला आणि त्याने आपला चेहरा लपवला. अभिषेकला चकवले यावर वैभवचा विश्वासच बसत नव्हता. टीम इंडियाने हे कौशल्य विकसित करण्याचा विचार केला असण्याची शक्यता आहे. जर सूर्यवंशीने आपल्या स्फोटक फलंदाजीसोबतच गोलंदाजीनेही योगदान दिले, तर ते त्याच्यासाठी खूप फायदेशीर ठरेल. भारताकडे गोलंदाजीही करू शकणाऱ्या फलंदाजांची कमतरता आहे. अभिषेक शर्माकडे हे कौशल्य आहे आणि आता सूर्यवंशीदेखील याच कौशल्यासह संघात सामील झाला आहे.
Team India practice session in Belfast – Sooryavanshi debut confirmed!@rohitjuglan reports from Belfast.
For more updates, watch:https://t.co/U6tiyNwQTv @TataSteelLtd #vaibhavsooryavanshi #t20 pic.twitter.com/1elFuO5B0O— RevSportz Global (@RevSportzGlobal) June 25, 2026
आता मोठा प्रश्न हा आहे की वैभव सूर्यवंशीला पदार्पणाची संधी मिळेल का. हा प्रश्न विचारल्यावर, फलंदाजी प्रशिक्षक सितांशु कोटक यांनी स्पष्टपणे सांगितले की “वैभवला संधी मिळेल, पण प्रश्न हा आहे की ते कोणत्या फलंदाजाला वगळतील, कारण इतरही धावा करत आहे. वैभव सूर्यवंशीला संधी मिळेल, पण मला वाटते की केवळ धावा करणाऱ्यांना संधी देण्यासाठी आम्ही त्याला संघातून वगळणार नाही. हे त्याच्यासाठी अन्यायकारक ठरेल.” आता, कोटक यांच्या वक्तव्यावरून असे सूचित होते की सूर्यवंशीला किमान पहिल्या सामन्यासाठी तरी बेंचवर बसवले जाईल.
जर वैभव सूर्यवंशीला आयर्लंडमध्ये संधी मिळाली नाही, तर त्याला इंग्लंडविरुद्धच्या टी-20 मालिकेत संधी मिळू शकते. आयर्लंडनंतर, भारतीय संघ इंग्लंडमध्ये पाच सामन्यांची टी-20 मालिका खेळणार आहे. ही मालिका खूप महत्त्वाची आहे, त्यामुळे सूर्यवंशीला संधी नक्कीच मिळेल. जर सूर्यवंशीने पदार्पण केले, तर तो भारतासाठी पदार्पण करणारा सर्वात तरुण खेळाडू म्हणून सचिन तेंडुलकरचा विक्रम मोडेल.
