Virat Kohli : राधे-राधे…, IPL चँपियन बनताच अनुष्कासह विराटने गाठलं वृंदावन, Photo

आरसीबीच्या आयपीएल विजयानंतर विराट कोहली आणि अनुष्का शर्माने वृंदावनला भेट दिली. त्यांनी आध्यात्मिक गुरु प्रेमानंद महाराजांच्या आश्रमात जाऊन आशीर्वाद घेतले. साध्या वेशात आलेल्या या जोडप्याचे फोटो व्हायरल झाले आहेत. आयपीएलपूर्वीही विराटने महाराजांचे दर्शन घेतले होते.

Virat Kohli : राधे-राधे..., IPL चँपियन बनताच अनुष्कासह विराटने गाठलं वृंदावन, Photo
विराट कोहली आणि अनुष्का शर्मा यांनी घेतलं प्रेमानंद महाराजांचं दर्शन
| Updated on: Jun 02, 2026 | 3:25 PM

भारताचा स्टार फलंदाज विराट कोहलीचे कोट्यवधी चाहते आहेत. रविवारी आयपीएल फायनलमध्ये विराटच्या शानदार खेळीने आरसीबीला विजेतेपद मिळवून दिलं आणि त्यांनी सलग दुसऱ्यांदा आयपीएलच्या ट्रॉफीवर नाव कोरलं. सर्व चाहत्यांसाठी हा अत्यंत अभिमानाचा, आनंदाचा क्षण होता. आरसीबीच्या खेळाडूंसह, त्यांचे कुटुंबीय, सर्वांनीच सेलिब्रेशन केलं. विराट- अनुष्काच्या डान्सचा व्हिडीओ देखील प्रचंड व्हायरल झाला. मात्र या सेलिब्रेशनचा, आनंदाचा भर ओसरल्यानंतर विराट आणि अनुष्का हे दोघेही पोहोचले वृंदावन येथे.  त्यांचे काही फोटो, तसेच व्हिडीओ देखील समोर आले असून पाहता पाहता ते वाऱ्याच्या वेगाने व्हायरल झाले.

मंगळवारी विराट आणि अनुष्का या दोघांनीही आध्यात्मिक गुरू प्रेमानंद महाराज यांच्या ‘राधा केली कुंज’ आश्रमाला भेट दिली. त्यांचे आशीर्वाद घेतले. यावेळी दोघेही अतिशय साध्या गेटअपमध्ये दिसत होते. डोळ्यांवर चश्मा, चेहऱ्यावर मास्क, साधा शर्ट-पँट अशा वेषात विराट तर गुलाबी रंगाचा पंजाबी ड्रेस, डोक्यावर घेतलेली ओढणी आणि चेहऱ्यावर मास्क लावून, त्याची पत्नी, अभिनेत्री अनुष्का शर्माही विराटसोबत चालत होती. दोघांनीही राधा केलि कुंज आश्रमात जाऊन प्रेमानंद महाराजांचे दर्शन घेतलं, त्यांच्याशी संवाद साधत, त्यांचे आशीर्वाद घेतले. विराट आणि अनुष्का दोघेही प्रेमानंद महाराजांचे भक्त असून, अनेक वेळा ते वृंदावनमधील त्यांच्या आश्रमाला भेट देत असतात.

 

आयपीएलपूर्वीही विराटने घेतलं प्रेमानंद महाराजांचं दर्शन

यावेळी विराट एकदम सिंपल दिसत होता. त्याच्या हातात एक धार्मिक पुस्तक, कपाळावर टिळा लावलेला दिसत होता. अनुष्काही साध्या पंजाब ड्रेसमध्ये आश्रमात पोहोचली. विराट आणि अनुष्का यांनी यावेळी धार्मिक श्रद्धेनुसार दर्शन आणि पूजा केली. विशेष म्हणजे आयपीएल 2026 हा सीझन सुरू होण्यापूर्वी देखील विराट कोहलीने आश्रमात येऊन प्रेमानंद महाराजांचं दर्शन घेतलं होतं. आणि आता आरसीबीचा संघ आयपीएल चॅम्पियन बनल्यानंतर पुन्हा, लगेचच, त्याने आपले गुरू प्रेमानंद महाराजांच्या आश्रमाला भेट दिली.

 

आयपीएल विजयानंतर सेलिब्रेशन

रविवारी आरसीबीने सलग दुसऱ्यांदा आयपीएल ट्रॉफी जिंकल्यानंतर विराट आणि सर्वा खेळाडू भावूक झाले. त्यांच्या चेहऱ्यावरचं हास्य, हाच आनंद दर्सवत होतं. गुजरात टायटन्सच्या 155 धावांचा पाठलाग करताना विराटने शानदार 75 धावांची नाबाद खेळी करत संघाच्या विजयात सिंहाचा वाटा बजावला. विजयानंतर संघातील खेळाडूंनी शानदार सेलिब्रेशन केलं. याशिवाय, एका व्हिडिओमध्ये विराट मनसोक्त डान्स करताना दिसला, अनुष्काने हसत हसत त्याचं शूटिंग केलं. हे सर्व व्हिडीओ सोशल मीडियावर प्रचंड व्हायरल झाले.
Add TV9 Marathi As A Trusted Source

Topics

Follow Us
LIVETV