बजाजची नवी बाईक लाँच, किंमत फक्त…
देशातील सर्वात मोठी बाईक कंपनी बजाज ऑटोने (Bajaj Auto) CT110 मॉडल भारतात लाँच केलं आहे. CT बाईक पहिल्यापासून बाजारात उपलब्ध असून त्यामध्ये 100CC इंजन दिले आहे.
मुंबई : देशातील सर्वात मोठी बाईक कंपनी बजाज ऑटोने (Bajaj Auto) CT110 मॉडल भारतात लाँच केलं आहे. CT बाईक पहिल्यापासून बाजारात उपलब्ध असून त्यामध्ये 100CC इंजन दिले आहे. कंपनीने नवीन CT बाईकमध्ये पॉवरफुल इंजिन दिलं आहे. तसेच या बाईकच्या स्टाईलमध्येही बदल करण्यात आले आहे.
नवीन CT110 मध्ये 150CC चे इंजिन दिले आहे. हे इंजिन 8.6PS पावर आणि 9.81Nm टॉर्क जनरेट करते. नव्या बाईकमध्ये 4 स्पीड गिअर दिले आहेत. ही बाईक अप्रतीम राईड क्वॉलिटी, शानदार परफॉर्मन्स आणि सर्वौत्कृष्ट मायलेज देईल, असा दावा कंपनीने केला आहे. बजाज ऑटोने (Bajaj Auto) हेच इंजिन आपल्या प्लॅटिना बाईकमध्येही वापरले आहे.
बजाजच्या या नव्या CT110 बाईकच्या किक स्टार्ट व्हेरिअंटची किंमत 37 हजार, 997 रुपये आहे. इलेक्ट्रॉनिक स्टार्ट व्हेरिअंटची किंमत 44 हजार 480 रुपये आहे. नवीन CT110 तीन रंगात उपलब्ध आहे. ज्यामध्ये मॅट ऑलिव्ह ग्रीन विथ येल्लो, ग्लोब ईबोनी ब्लॅक विथ ब्लू आणि ग्लॉस फ्लेम रेड विथ ब्राईट रेड रंगांचा समावेश आहे. ही बाईक संपूर्ण भारतात डीलरशिपवर उपलब्ध असेल.
बाईकची लांबी 194 mm, रुंदी 752 mm, उंची 1072 mm, ग्राऊंड क्लेरेंस 170 mm आणि व्हीलबेस 1235 mm आहे. बाईकचे वजन 116 किलोग्राम आहे. ब्रेकिंगसाठी बाईकच्या दोन्ही टायर्समध्ये 130 mm चे ब्रेक लावले आहेत.
संबधित बातम्या :
