हुश्श! संपली बाबा एकदाची कटकट, अँड्रॉइडवरुन आयफोनवर होणार चॅट हिस्ट्री ट्रान्सफर
तुम्ही अँड्रॉइड फोनवरून आयफोनवर शिफ्ट होणार असाल तर, तुमच्यासाठी एक आनंदाची बातमी आहे. आता अँड्रॉइडवरुन आयफोनवर तुम्ही तुमची चॅट हिस्ट्री, प्रोफाइलची माहिती, प्रोफाइल फोटो, वैयक्तिक चॅट्स, ग्रुप चॅट्स, मीडिया आणि सेटिंग्ज ट्रान्सफर करू शकणार आहात.
iPhone
Image Credit source: Instagram
युजर्सच्या मागणीला अखेरीस यश आलेले दिसते. याचे कारण म्हणजे आता युजर्स अँड्रॉइड फोनवरुन त्यांची चॅट हिस्ट्रीसह प्रोफाइलची माहिती, फोटो आदी विविध डाटा आयफोनवर (iPhone) ट्रान्सफर करु शकरणार आहेत. त्यामुळे अँड्रॉइड फोनवरुन ज्यांना आता आयफोनवर शिफ्ट व्हायचे असेल त्यांना व्हाट्‌सअपच्या या निर्णयाचा फायदा होणार आहे. व्हॉट्सअॅपने (WhatsApp) अखेर अँड्रॉइडवरुन (Android) वरून आयफोनमध्ये चॅट हिस्ट्री ट्रान्सफर करण्यासाठी ॲक्सेस दिला आहे. पूर्वी ही सुविधा फक्त आयफोनवरुन अँड्रॉइडवर शक्य होती परंतु आता अँड्रॉइड टू आयफोन ट्रान्सफर होणार आहे. या नवीन फीचरमुळे मेसेजिंग प्लॅटफॉर्मचा जास्त वापर करणार्या युजर्सना मोठा दिलासा मिळाला आहे. दरम्यान, सध्या हे फीचर व्हॉट्सअॅपच्या बीटा व्हेरिएंटवर आणले जात असल्याचे सांगण्यात आले आहे.
- व्हाट्‌सअपकडून मिळालेल्या माहितीनुसार, युजर्स आपली कॉल हिस्ट्री अँड्रॉइड फोनवरून आयफोनवर ट्रान्सफर करु शकणार आहेत.
- व्हाट्‌सअपने त्याच्या FAQ पेजवर याबाबत सांगितले आहे, की जोपर्यंत युजर्स iCloud बॅकअप तयार करत नाही तोपर्यंत त्यांचा डेटा आपोआप क्लाउड स्टोरेजमध्ये ट्रान्सफर केला जाणार नाही.
- व्हॉट्सअॅपने आधीच सांगितले, की ते डिव्हाइसेसमध्ये ट्रान्सफर होणारा डेटा तपासू शकणार नाही.
- युजर्सच्या अँड्रॉइड स्मार्टफोनमध्ये चॅट डेटा असेल आणि तो तूम्हाला आयफोनवर ट्रान्सफर करायचा असल्यास युजर्सना त्यांचे मेसेजिंग अॅप डिलिट करावे लागणार आहे.
- या फीचर्सचा वापर करण्यासाठी युजर्सना नवीन डिव्हाइसवर जुनाच मोबाईल क्रमांक वापरावा लागणार आहे.
- दरम्यान, या फीचरचा लाभ घेण्यासाठी युजर्सचा आयफोन नवीन असणे आवश्यक आहे किंवा Move to iOS अॅपला जोडण्यासाठी जुन्या फोनवरून डेटा मूव्ह फॅक्टरी सेटिंग्जवर सेट करणे आवश्यक आहे.
- युजर्सचे दोन्ही डिव्‍हाइसेस वाय-फाय नेटवर्कशी कनेक्ट झालेली असणे आवश्यक राहिल. अशात काही समस्या असल्यास युजर्स अँड्रॉइड डिव्हाइस आयफोनच्या हॉटस्पॉटशी देखील कनेक्ट करू शकणार आहेत.
- चॅट हिस्ट्री ट्रान्सफर फीचरचा वापर करण्यासाठी युजर्सना त्यांच्या अँड्रॉइड फोनवर Move to iOS अॅप तयार करणे आवश्यक राहिल.
- हे नवीन फीचर केवळ 2.22.7.74 किंवा त्यापुढील व्हर्जनवर चालणाऱ्या अँड्रॉइड डिव्हाइसवर काम करेल.
- iOS युजर्ससाठी त्यांचा आयफोन 2.22.10.70 किंवा त्यावरील व्हर्जनचा असणे आवश्यक राहणार आहे.
हे सुद्धा वाचा
Agneepath Scheme : अग्निपथ योजनेवरून गोंधळ सुरू; बिहारमध्ये लोक उतरले रस्त्यावर, मुझफ्फरपूरमध्ये रेल्वेरही दगडफेक
Covid 19 : लसीकरणासाठी ठाण्याच्या ग्रामीण भागात ‘मिशन हर घर दस्तक’ मोहिमेचा दुसरा टप्पा 1 जुलैपासून
पंतप्रधानांच्या हस्ते जगदगुरु तुकाराम महाराज यांच्या शिळा मंदिराचं लोकार्पण, कसं आहे नवं शिळा मंदिर?