लाईट बिल कमी यावा म्हणून तासभर फ्रीज बंद करणाऱ्यांसाठी ही बातमी, फक्त करा ही एक गोष्ट, जाणून घ्या!
Refridgerator Electricity Consuming : काही लोक विजेचे बिल कमी ठेवण्यासाठी दररोज काही तास फ्रीज बंद करतात, असे केल्याने किती वीज वाचू शकते हे कदाचित तुम्हाला माहिती नसेल. काय करावं आणि काय नाही ते जाणून घ्या!
बहुतेक घरांमध्ये फ्रिज हा दिवसभर चालू असतो. अनेक लोक त्यांच्या घरातील फ्रिज कधीच बंद करत नाहीत 24 तास त्यांचा फ्रीज चालूच असतो. काही लोक तर चालू फ्रीज असतानाच त्याची साफसफाई करतात. तर काही लोक विज बिल जास्त येऊ नये म्हणून त्यांचा फ्रिज आठवड्यातून दोन ते तीन तास बंद करून ठेवतात. त्यांना वाटतं की फ्रीज बंद केल्यामुळे विजेची बचत होऊ शकते. तर तुम्हालाही वाटतं का की फ्रीज बंद केल्यामुळे वीज बचत खरंच होते? तर आज आपण याच बाबत जाणून घेणार आहोत.
फ्रिज बंद केल्यामुळे नेमकं काय होतं?
जर तुम्हाला वाटत असेल की फ्रीज दररोज किंवा आठवड्यातून दोन ते तीन तास बंद केल्यामुळे विजेची बचत होईल तर तुमचा अंदाज खरा नाहीये. सोबतच जरी तुम्ही तुमचा फ्रीज बंद केला नाही आणि 24 तास जरी चालू जरी ठेवला तरी तुम्ही विजेची बचत करू शकत नाही. याचं कारण म्हणजे फ्रिज ऑटोमॅटिक कुलिंग करत असतो. त्यामध्ये बसवलेल्या टेम्परेचर सेंसरला माहित असते की कधी वीज कपात करायची. अशावेळी तो कुलींग करत नाही आणि गरज पडेल तेव्हा तो वीज बंद करतो, जेणेकरून विजेची बचत होईल.
तर तुम्ही विजेची बचत करण्यासाठी जर तुमचा फ्रीज बंद करत असाल तर हा तुमचा सगळ्यात मोठा गैरसमज आहे. तसेच जर तुम्ही फ्रीजची साफसफाई करत असाल तर त्यावेळेपुरता फ्रीज तुम्ही बंद करू शकता. पण तुमचा फ्रीज बंद करण्याची जी कल्पना आहे ती अत्यंत चुकीची आहे. तुम्हाला विज बिल तेव्हाच कमी येईल जेव्हा तुम्ही तुमच्या फ्रीजच्या कुलिंगला ऍडजेस्ट कराल.