किम जोंगची हत्या म्हणजेच जगाचा अंत… अणुहल्ल्याचा थेट नियमच बदलला, आणखी किती देशांमध्ये असा नियम?

उत्तर कोरियाने पुन्हा एकदा संपूर्ण जगाचं लक्ष आपल्याकडे वेधलं आहे. समोर आलेल्या माहितीनुसार उत्तर कोरियाने आपल्या संविधानात बदल केला आहे. नव्या बदलानुसार उत्तर कोरियाने आता अणु -प्रतिहल्ल्याबाबतचे आपले धोरण अधिक मजबूत केलं आहे. संविधानातील सुधारीत बदलानुसार जर समजा उत्तर कोरियाचे सर्वोच्च नेते किम जोंग उन यांच्यावर एखाद्या देशाने हल्ला केला, किंवा एखाद्या हल्ल्यामध्ये त्यांचा मृत्यू झाला तर देशाच्या संरक्षणासाठी अणू हल्ला करण्याचे अधिकार आता तेथील सैन्याला प्राप्त झाले आहेत. याचाच अर्थ असा की जर किम जोंग उन यांचा मृत्यू झाला तर उत्तर कोरियाचं सैन्य जगातील कोणत्याही देशावर थेट अणु हल्ला करू शकते. उत्तर कोरियाप्रमाणेच जगात आणखी असे काही देश आहेत, ज्या देशांमध्ये देखील असा कायदा बनवण्यात आला आहे.

रशिया – रशियाकडे स्वयंचलित प्रतिहल्ला प्रणाली आहे. रशियाची ही स्वयंचलित प्रतिहल्ला प्रणाली जगप्रसिद्ध आहे. समजा एखाद्या मोठ्या हल्ल्यात रशियाच्या प्रमुखाचा मृत्यू झाला तर या स्वयंचलित प्रणाली प्रतिहल्ला करण्यासाठी सक्षम आहे. याद्वारे कुठल्याही देशावर अणू हल्ला होऊ शकतो.

अमेरिका – अमेरिकेमध्ये अणूबॉम्ब हल्ल्याचे सर्वाधिकार हे राष्ट्रपतींकडे आहेत, मात्र जर युद्धकाळात राष्ट्रपतींचा एखाद्या हल्ल्यात मृत्यू झाला तर अमेरिकेमध्ये देखील अपत्कालीन यंत्रणा तयार ठेवण्यात आली आहे. समजा एखाद्या युद्धामध्ये अमेरिकेच्या सर्वोच्च नेतृत्वाचा मृत्यू झाला तर अशा स्थितीमध्ये एका कमांडरकडे अणू हल्ल्यांसंदर्भातील अधिकार असतात, तो अशा स्थितीमध्ये त्या देशावर अणु हल्ला करू शकतो.

चीनमध्ये काय स्थिती?

चीनकडून अधिकृतपणे No First Use प्रथम वापर नाही, या अणु धोरणाचे पालन केले जाते. याचा अर्थ असा की कोणत्याही युद्धात चीनकडून पहिल्यांदा अणु हल्ला होणार नाही. मात्र जर समजा एखाद्या देशाने जर चीनवर अणु हल्ला केला तर मग चीनकडून देखील अणू हल्ला केला जाऊ शकतो. प्रत्येक देशाचं अणु धोरण हे वेगवेगळं आहे.