iQOO ने भारतात लाँच केला 7050 mAh बॅटरी असलेला नवीन 5G फोन, जाणून घ्या किंमत आणि उपलब्धता
iQOO ने भारतात त्यांचा नवीन 5G फोन, iQOO Z11 लाँच केला आहे, ज्यामध्ये मीडियाटेक डायमेन्सिटी 7500 टर्बो चिपसेट, 144Hz डिस्प्ले आणि उत्तम 7050mAh बॅटरी आहे. चला तर मग आजच्या लेखात आपण या फोनची किंमत, फिचर्स आणि उपलब्धता याबद्दल जाणून घेऊयात.
iQOO ने भारतीय बाजारात iQOO Z11 5G हा नवीन स्मार्टफोन लॉन्च केला आहे. हा फोन कंपनीच्या लोकप्रिय Z सीरीजमधील नवीन मॉडेल असून, दमदार प्रोसेसरपासून उच्च रिफ्रेश रेटच्या डिस्प्लेपर्यंत अनेक आकर्षक फीचर्स देण्यात आले आहेत. iQOO Z11 मध्ये MediaTek Dimensity 7500 Turbo चिपसेट, 12GB पर्यंत RAM आणि 144Hz पर्यंतचा रिफ्रेश रेट मिळतो. याशिवाय फोनमध्ये 6.83-इंचाचा 1.5K कर्व्ह्ड AMOLED डिस्प्ले देण्यात आला आहे.
फोटोग्राफीसाठी फोनमध्ये 50MP प्रायमरी कॅमेरा आणि 8MP अल्ट्रा-वाइड-अँगल लेन्स मिळते. त्यामुळे परफॉर्मन्स, डिस्प्ले आणि कॅमेरा यांचा चांगला मेळ या फोनमध्ये पाहायला मिळतो. चला तर मग या फोनची किंमत आणि फिचर्स जाणून घेऊयात.
iQOO Z11 ची किंमत आणि उपलब्धता
किंमतीच्या बाबतीत, iQOO Z11 चा भारतातील 6GB रॅम आणि 128GB स्टोरेज असलेला बेस व्हेरिएंट 34 हजार 999 रूपयांपासून सुरू होतो. 8GB + 128GB व्हेरिएंटची किंमत ₹39 हजार 999 रूपये आहे. 8GB + 256GB व्हेरिएंटची किंमत 44 हजार 999 रूपये आणि टॉप-एंड 12GB + 256GB व्हेरिएंटची किंमत 49 हजार 999 रूपये आहे.
कंपनी या फोनवर एक विशेष लाँच ऑफर देखील देत आहे, ज्यामध्ये निवडक बँक कार्ड्सवर 3 हजार रूपयांपर्यंतची त्वरित सूट दिली जात आहे. फोनसोबत 1 हजार रूपयांचे एक कूपनही उपलब्ध आहे. ज्यांना स्मार्टफोनची पूर्ण किंमत आगाऊ भरायची नाही, ते सहा महिन्यांच्या नो-कॉस्ट ईएमआय पर्यायासह हा फोन घेऊ शकतात.
हे डिव्हाइस ॲमेझॉन, आयकू इंडिया वेबसाइट, रिलायन्स डिजिटल आणि देशभरातील आयकू व व्हिवो रिटेल स्टोअर्समधून खरेदी करता येईल. या फोनची पहिली विक्री 25 ऑगस्ट रोजी दुपारी 12 वाजता सुरू होईल.
iQOO Z11 चे दमदार फिचर्स
फीचर्सच्या बाबतीत iQOO Z11 5G मध्ये अनेक आकर्षक सुविधा देण्यात आल्या आहेत. फोनमध्ये 6.83-इंचाचा 1.5K 3D कर्व्ह्ड AMOLED डिस्प्ले मिळतो, जो 144Hz पर्यंतच्या रिफ्रेश रेटला सपोर्ट करतो. डिस्प्लेची कमाल ब्राइटनेस 2,000 निट्सपर्यंत आहे. याशिवाय SGS लो ब्लू लाइट, लो फ्लिकर आणि फाइव्ह-स्टार सनलाइट डिस्प्ले अशी सर्टिफिकेशन्सही मिळतात.
सॉफ्टवेअरच्या बाबतीत हा फोन Android 16 आधारित OriginOS 6 वर चालतो. कंपनीकडून 3 वर्षांचे OS अपडेट्स आणि 5 वर्षांचे सिक्युरिटी अपडेट्स देण्याचे आश्वासन देण्यात आले आहे.
परफॉर्मन्ससाठी फोनमध्ये MediaTek Dimensity 7500 Turbo प्रोसेसर देण्यात आला आहे. यासोबत 12GB पर्यंत LPDDR4X RAM आणि 256GB पर्यंत UFS 3.1 स्टोरेज मिळते. गेमिंग किंवा जास्त वेळ फोन वापरताना डिव्हाइसचे तापमान नियंत्रणात ठेवण्यासाठी 3,800mm² व्हेपर चेंबर कूलिंग सिस्टम देण्यात आली आहे.
iQOO Z11 कॅमेरा फिचर्स
फोटोग्राफीसाठी, फोनमध्ये OIS आणि f/1.79 अपर्चर असलेला 50-मेगापिक्सलचा सोनी IMX882 प्रायमरी कॅमेरा आहे. यात 115-डिग्री फील्ड ऑफ व्ह्यू असलेला 8-मेगापिक्सलचा अल्ट्रा-वाइड-अँगल कॅमेरा देखील आहे.
सेल्फीसाठी, फोनमध्ये 32-मेगापिक्सलचा कॅमेरा आहे. फ्रंट आणि रियर दोन्ही कॅमेरे 30fps वर 4K व्हिडिओ रेकॉर्ड करू शकतात.
कनेक्टिव्हिटी पर्यायांमध्ये 5G, 4G LTE, Wi-Fi 6, ब्लूटूथ 5.4, GPS आणि एक USB टाइप-C पोर्ट यांचा समावेश आहे. फोनचे सर्वात उल्लेखनीय वैशिष्ट्य म्हणजे त्याची 7,050mAh बॅटरी आहे,जी 44W फ्लॅशचार्जला सपोर्ट करते.
