JioPhone Next बाजारात, बुकिंगसाठी ग्राहकांकडे 3 पर्याय, जाणून घ्या सर्वकाही

मुकेश अंबानी यांच्या मालकीच्या रिलायन्स जिओने गुगलच्या सहकार्याने JioPhone Next तयार केला आहे आणि आता तो लॉन्च केला आहे. या स्मार्टफोनमध्ये टच स्क्रीनशिवाय स्पेशल ओएस देण्यात आला आहे.

JioPhone Next

TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम | Updated on: Nov 02, 2021 | 4:03 PM

मुंबई : मुकेश अंबानी यांच्या मालकीच्या रिलायन्स जिओने गुगलच्या सहकार्याने JioPhone Next तयार केला आहे आणि आता तो लॉन्च केला आहे. या स्मार्टफोनमध्ये टच स्क्रीनशिवाय स्पेशल ओएस देण्यात आला आहे. JioPhone Next चे बुकिंग सुरु झाले आहे आणि त्याची विक्री 4 नोव्हेंबरपासून रिलायन्स स्टोअरवर होणार आहे. त्यामुळे आज आण्ही तुम्हाला हा फोन कसा बुक करता येईल, याबाबत माहिती देणार आहोत. (Jio phone next booking are opens, check three ways to buy cheapest smartphone)

फोन कसा बुक करायचा?

Reliance Jio चा JioPhone Next तीन प्रकारे बुक केला जाऊ शकतो. चला तर मग तिन्ही पद्धतींबद्दल सविस्तर जाणून घेऊया.

पहिला मार्ग

jio.com/NEXT या लिंकवर जा आणि नंतर I am Interested पर्यायावर क्लिक करा. यानंतर वापरकर्त्यांकडून काही माहिती मागितली जाईल, ज्यामध्ये नाव आणि फोन नंबर इत्यादीचा समावेश असेल. यानंतर तुमच्या नोंदणीकृत मोबाइल क्रमांकावर ओटीपी पाठवला जाईल, तिथून मोबाइल क्रमांकाची पडताळणी करावी लागेल. यानंतर पत्त्यासह इतर माहिती भरावी लागेल.

दुसरा मार्ग

दुसरा मार्ग म्हणजे व्हॉट्सअॅपद्वारे बुकिंग करणे. यासाठी तुमच्या फोनमध्ये 7018270182 हा नंबर सेव्ह करा आणि Hi लिहून पाठवा. यानंतर चॅटिंगवर आणखी काही माहिती विचारली जाईल, ती दिल्यानंतर यूजर्स त्यांचा Jio फोन बुक करू शकतात.

तिसरा मार्ग

तिसऱ्या पद्धतीनुसार, JioPhone Next स्मार्टफोनची बुकिंग JioMart डिजिटल रिटेल स्टोअरला भेट देऊन करता येईल.

JioPhone Next मधील 8 महत्त्वाचे फीचर्स

JioPhone Next अँड्रॉईड ऑपरेटिंग सिस्टीमच्या ऑप्टिमायझ्ड व्हर्जनवर काम करतो, हे व्हर्जन जिओ आणि गुगलने संयुक्तपणे विशेषतः भारतीय बाजारासाठी विकसित केले आहे.
JioPhone नेक्स्ट अत्याधुनिक वैशिष्ट्यांसह येतो ज्यामध्ये व्हॉईस असिस्टंट, भाषा अनुवाद, स्क्रीन टेक्स्टचा स्वयंचलित रीड-अलाऊड आणि यात ऑगमेंटेड रिअॅलिटी फिल्टरसह स्मार्ट कॅमेरा आहे.
JioPhone नेक्स्ट 4000 ते 5000 रुपयांच्या अंदाजे किंमतीसह लाँच केला जाऊ शकतो. पण रिलायन्स जिओ या फोनची किंमत कमी करण्यासाठी अधिक ऑफर देऊ शकते.
जिओफोन नेक्स्ट क्वालकॉम स्नॅपड्रॅगन 215 प्रोसेसरसह लॉन्च होण्याची शक्यता आहे जे 4 जी नेटवर्कला सपोर्ट करते.
रिलायन्स जिओ खरेदीदाराला 2 जीबी रॅम आणि 3 जीबी रॅम व्हेरिएंट असे दोन पर्याय मिळतील, अशी अपेक्षा आहे. इंटर्नल स्टोरेज पर्यायामध्ये, जिओ 16GB व्हेरिएंट आणि 32GB व्हेरिएंट लॉन्च करू शकते.
डिव्हाइसला HD रिझोल्यूशनसह 5.5 इंच डिस्प्ले मिळेल अशी अपेक्षा आहे.
नवीन जिओफोन नेक्स्ट ब्लू व्हेरिएंटसह विविध रंगांमध्ये लॉन्च केला जाईल.

JIOPHONE NEXT स्वस्तात खरेदीचे तीन पर्याय

पहिला हा ‘ऑलवेज ऑन प्लॅन’ आहे, या प्लॅनमध्ये ग्राहकाला 18 महिन्यांसाठी 350 रुपये आणि 24 महिन्यांसाठी 300 रुपये द्यावे लागतील. प्लॅनमध्ये ग्राहकांना दर महिन्याला 5 GB डेटा आणि 100 मिनिटे व्हॉइस कॉलिंग मिळेल.
दुसरा प्लॅन आहे लार्ज प्लॅन, यामध्ये ग्राहकांना 18 महिने 500 रुपये किंवा 24 महिने 450 रुपयांचा हप्ता भरावा लागेल. या प्लॅनमध्ये दररोज 1.5 GB डेटा तसेच अनलिमिटेड व्हॉइस कॉलिंग मिळेल.
तिसरा प्लॅन XL प्लॅन आहे, यामध्ये ग्राहकाला दररोज 2 GB डेटा आणि अनलिमिटेड कॉलिंग मिळेल. या प्लॅनसाठी ग्राहकाला 18 महिने 550 रुपये किंवा 24 महिने 500 रुपये भरावे लागतील.