पुढील महिन्यात ‘या’ दमदार कार लॉन्च होणार, लगेच जाणून घ्या

गेल्या दोन-तीन महिन्यांत इंडिया मोबिलिटी ग्लोबल एक्स्पो 2025 च्या दुसऱ्या पर्वात अनेक नवीन कार लाँच झाल्या आहेत. पुढील आर्थिक वर्षाच्या पहिल्या महिन्यात देशात ईव्ही आणि पेट्रोल-डिझेलसह अनेक नवीन कार लाँच होणार आहेत. टाटा आपली हॅरियर डॉट ईव्ही सादर करणार आहे, तर एमजी दोन नवीन ईव्ही लाँच करणार आहे. येथे आम्ही तुमच्यासाठी एप्रिल 2025 महिन्यात भारतीय बाजारात लाँच होणाऱ्या नवीन कार आणि एसयूव्हीची यादी घेऊन आलो आहोत.

मारुती ई-विटारा मारुती सुझुकीची पहिली इलेक्ट्रिक कार ई-विटारा एप्रिल 2025 मध्ये भारतात लाँच होण्याची शक्यता आहे. मारुती सुझुकीची ही पहिली इलेक्ट्रिक कार असेल. इंडिया मोबिलिटी ग्लोबल एक्स्पो 2025 मध्येही ई-विटारा चे प्रदर्शन करण्यात आले होते. ही एक मिड साइज इलेक्ट्रिक एसयूव्ही असेल. सुझुकीच्या गुजरात प्रकल्पात याची निर्मिती केली जाणार आहे. ई-विटारा टाटा कर्व्ह ईव्ही, एमजी झेडएस ईव्ही, ह्युंदाई क्रेटा ईव्ही आणि महिंद्रा बीई 05 ला टक्कर देईल. याची रेंज 500 किमी असू शकते.

किआ केरेन्स फेसलिफ्ट कोरियन वाहन निर्माता कंपनी किआ एप्रिल 2025 मध्ये देशात नवीन केरेन्स फेसलिफ्ट सादर करणार आहे. 2025 किआ केरेन्स फेसलिफ्ट भारतीय रस्त्यांवर अनेकदा टेस्टिंग करताना दिसली आहे. ही कार नवीन डिझाइन, नवीन फीचर्स आणि अपग्रेडेड इंटिरिअरसोबत येणार आहे. विशेष म्हणजे, सध्याचे मॉडेल नवीन कॅरेन्ससोबत विकले जाईल ज्यात नवीन नेमप्लेट असेल.

टाटा हॅरियर ईव्ही टाटा मोटर्स एप्रिल 2025 महिन्यात हॅरियर ईव्हीच्या किंमती जाहीर करण्याची शक्यता आहे. 2025 इंडिया मोबिलिटी एक्स्पो आणि नुकत्याच पार पडलेल्या टाटा, ईव्ही डेमध्ये हे मॉडेल सादर करण्यात आले होते. हे आयसीई मॉडेलसारखेच दिसते. मात्र, या एसयूव्हीमध्ये काही ईव्ही-स्पेशल डिझाइन एलिमेंट्स देण्यात आले आहेत. या एसयूव्हीमध्ये नवीन ब्लॅंक-ऑफ ग्रिल, सुधारित एअर डॅम आणि नवीन स्किड प्लेट्स देण्यात आल्या आहेत.

निसान मॅग्नाइट सीएनजी निसान एप्रिल 2025 मध्ये मॅग्नाइट कॉम्पॅक्ट एसयूव्हीचे सीएनजी व्हर्जन लाँच करण्याची शक्यता आहे. यात 1.0 लीटर नॅचरल-एस्पिरेटेड पेट्रोल इंजिन देण्यात येणार असून डीलरशिप स्तरावर सीएनजी किट बसविण्यात येणार आहे. सीएनजी किटसाठी निसानडीलर्स 1 वर्षाची वॉरंटी देतील. पॉवर आणि टॉर्कचे आकडे अद्याप समोर आलेले नाहीत, परंतु मायलेज 25 किमी / किलोपर्यंत वाढण्याची अपेक्षा आहे.

एमजी सायबरस्टर आणि एमजी एम 9 ईव्ही एमजी मोटर इंडिया एप्रिल 2025 मध्ये 2 डोअर स्पोर्ट्स इलेक्ट्रिक कार सायबरस्टर लाँच करणार आहे. याची विक्री एमजी सिलेक्ट प्रीमियम शोरूमच्या माध्यमातून केली जाणार आहे. एमजी सायबरस्टर ही भारतातील सर्वात परवडणारी इलेक्ट्रिक स्पोर्ट्स कार असेल आणि त्याची किंमत सुमारे 60 लाख रुपये (एक्स-शोरूम) असण्याची शक्यता आहे. अवघ्या 3.2 सेकंदात ही कार 0 ते 100 किमी प्रतितास वेग पकडू शकते. याची रेंज 580 किमी असेल. एमजीची आणखी एक लक्झरी ईव्ही, एम 9 एमपीव्ही एप्रिलमध्ये लाँच होण्याची शक्यता आहे. ‘सिलेक्ट’ आउटलेटच्या माध्यमातून विकले जाणारे हे दुसरे एमजी मॉडेल असेल. याची रेंज 430 किमी असल्याचे सांगण्यात आले आहे.