Moto G86 Power 5G: दमदार बॅटरी व कॅमेऱ्यासह भारतात लाँच झाला हा फोन, जाणून घ्या किंमत आणि खास फिचर्स
Motorola Moto G86 Power 5G स्मार्टफोन 20,000 रुपयांपर्यंतच्या बजेटमध्ये लाँच करण्यात आला आहे. हा नवीनतम स्मार्टफोन पॉवरफुल बॅटरी, उत्तम AMOLED स्क्रीनसह अनेक उत्तम फिचर्स यात देण्यात आले आहेत. चला तर मग या फोनच्या विक्रीची तारीख, किंमत जाणून घेऊयात...
मोटोरोलाने 20 हजार रुपयांपेक्षा कमी किमतीत नवीन 5जी स्मार्टफोन Moto G86 Power 5G लाँच केला आहे. या फोनच्या काही खास फिचर्सबद्दल बोलायचे झाले तर, या हँडसेटमध्ये पॉवरफुल 6720mAh बॅटरी, मीडियाटेक प्रोसेसर, ड्युअल स्टीरिओ स्पीकर्स, हाय-रेझ ऑडिओ सर्टिफिकेशन, एचडीआर10 प्लस सारख्या फिचर्सचा समावेश आहे. या फोनची विक्री कोणत्या दिवसापासून सुरू होईल, या फोनसाठी कोणत्या किंमतीत खरेदी करू शकता आणि या फोनमध्ये कोणते खास फिचर्स उपलब्ध असतील? चला जाणून घेऊयात.
Moto G86 Power 5G ची भारतातील किंमत
या नवीनतम मोटोरोला स्मार्टफोनच्या 8 जीबी / 128 जीबी व्हेरिएंटची किंमत 17,999 रुपये आहे तर 8 जीबी / 256 जीबीच्या टॉप व्हेरिएंटची किंमत 19,999 रुपये आहे. अशातच या स्मार्टफोनच्या उपलब्धतेबद्दल बोलायचे झाले तर, या फोनची विक्री 6 ऑगस्टपासून कंपनीच्या साइटव्यतिरिक्त फ्लिपकार्टवर सुरू होईल.
स्पर्धा
मोटोरोलाचा हा नवीन स्मार्टफोन या किंमत लाँच होताच, हा Nothing Phone 2 Pro किंमत 18,999 रुपये, तर Oppo Reno 12 5G किंमत 19,999 रुपये, Realme P3 5G किंमत 18,499 रुपये आणि Poco X7 5G किंमत 18,999 रुपये या स्मार्टफोनशी स्पर्धा होणार आहे.
Moto G86 Power 5G Specifications
डिस्प्ले : या मोटोरोला मोबाईलमध्ये 6.8-इंचाचा सुपर एचडी रिझोल्यूशन एमोलेड स्क्रीन आहे ज्याचा रिफ्रेश रेट120 हर्ट्झ आहे जो 4500 निट्स पर्यंतच्या पीक ब्राइटनेसला सपोर्ट करतो. स्क्रीन प्रोटेक्शनसाठी गोरिल्ला ग्लास 7आय वापरण्यात आला आहे.
चिपसेट : चांगल्या कामगिरीसाठी, Moto G86 5G मध्ये MediaTek Dimensity 7400 ऑक्टा कोर प्रोसेसर आहे.
रॅम आणि स्टोरेज : फोनमध्ये 8 जीबी रॅम आणि 256 जीबी पर्यंत स्टोरेज आहे, परंतु मायक्रोएसडी कार्डच्या मदतीने तुम्ही स्टोरेज 1 टीबी पर्यंत वाढवू शकता.
कॅमेरा : फोनच्या मागील बाजूस 50-मेगापिक्सेलचा सोनी एलवायटी 600 प्रायमरी कॅमेरा सेन्सर आहे, तसेच मॅक्रो मोडसह 8-मेगापिक्सेलचा अल्ट्रा-वाइड कॅमेरा सेन्सर आहे. त्याच वेळी, फोनच्या पुढील बाजूस सेल्फीसाठी 32
-मेगापिक्सेलचा कॅमेरा सेन्सर उपलब्ध असेल.
बॅटरी : फोनला पॉवर देण्यासाठी एक पॉवरफुल 6720mAh बॅटरी देण्यात आली आहे, जी 33W टर्बोपॉवर सपोर्टसह येते.
कनेक्टिव्हिटी : हा फोन ड्युअल नॅनो सिमसह येतो आणि त्यात ब्लूटूथ व्हर्जन 5.4, 5जी, वाय-फाय 6, यूएसबी टाइप सी पोर्ट आणि जीपीएस सारखी वैशिष्ट्ये आहेत. सुरक्षेसाठी या नवीनतम मोटोरोला फोनमध्ये इन-डिस्प्ले फिंगरप्रिंट सेन्सर आहे.
