मोबाईल नेटवर्क बुस्ट करण्यासाठी ‘या’ ट्रिक्स करा फॉलो, सेटिंग्‍ज बदलताच दिसेल फरक

मोबाईल हा आपल्या जीवनाचा एक महत्त्वाचा भाग बनला आहे. यामुळे आपली अनेक कामे सोपी झाली आहेत. पण कधी कधी या मोबाईलमध्ये नेटवर्क नीट नसल्याने आपण कॉल किंवा इतर कोणतेही काम योग्य पद्धतीने करू शकत नाही. तसेच नेटवर्कच्या अभावी इंटरनेट स्लो चालणे यामुळे कोणतेच काम आपण मोबाईलमध्ये करू शकत नाही. अशातच आपण बाहेर कुठे गेलो तर आपल्या सर्वांची एक सर्वात सामान्य तक्रार असते ती म्हणजे कधीकधी नेटवर्क येते आणि कधीकधी येत नाही.

ही समस्या विशेषतः जेव्हा तुम्ही घरात असता किंवा प्रवास करत असता तेव्हा दिसून येते. पण जर आपण असे म्हटले की काही स्मार्ट ट्रिक्स फॉलो करून तुम्ही कोणत्याही अॅपच्या मदतीशिवाय तुमच्या डिव्हाइसचे नेटवर्क वाढवू शकता. चला तर मग आजच्या या लेखात आपण याबद्दल जाणून घेऊयात…

नेटवर्क मोड बदला

जर तुम्हाला नेटवर्कच्या अनेक समस्या येत असतील, तर डिव्हाइस सेटिंग्जमध्ये जाऊन मॅन्युअली नेटवर्क मोड निवडणे खूप उपयुक्त ठरू शकते. कधीकधी डिव्हाइस ऑटो मोडमध्ये 3G, 4G, 5G मध्ये स्विच करत राहते, ज्यामुळे नेटवर्क कमकुवत होते.

म्हणून, तुम्हाला सेटिंग्जमध्ये जाऊन नंतर सिम सेटिंग्जमध्ये जावे लागेल आणि पसंतीचे नेटवर्क प्रकार फक्त 4G/LTE किंवा 5G वर सेट करावे लागेल. असे केल्याने, फोन एका स्टेबल नेटवर्कवर राहील आणि सिग्नलची समस्या मोठ्या प्रमाणात कमी होईल.

सिम स्लॉट बदला

जर तुमच्या डिव्हाइसमध्ये ड्युअल सिम सपोर्ट असेल, तर ही ट्रिक तुमच्यासाठी खूप उपयुक्त ठरू शकते. ज्या सिमने तुम्हाला इंटरनेट वापरायचे आहे ते सिम स्लॉट 1 मध्ये टाका कारण बहुतेक डिव्हाइस स्लॉट 1 मध्ये चांगली कनेक्टिव्हिटी प्रदान करतात. असेही दिसून आले आहे की काही डिव्हाइसेसमध्ये, सिम 2 ला मर्यादित बँड सपोर्ट आहे, ज्यामुळे स्पीड कमी होऊ शकतो.

बनावट ॲप्सपासून सावध रहा

आजकाल गुगल प्ले स्टोअरवर नेटवर्क बूस्टर किंवा सिग्नल इन्क्रीज नावाचे अनेक ॲप्स उपलब्ध आहेत जे दावा करतात की ते इन्स्टॉल केल्याने तुमच्या फोनचे नेटवर्क सुधारेल, परंतु हे बहुतेक बनावट ॲप्स आहेत. त्यांचा वापर केल्याने फक्त रॅम साफ होते किंवा निरुपयोगी जाहिराती दिसतात ज्यामुळे डिव्हाइस आणखी स्लो होते. म्हणून तुम्ही कोणतेही ॲप न वापरणे चांगले.