OPPO Reno 7 5G न्यू ईयर एडिशन लॉन्च, जाणून घ्या नवीन फोनमध्ये काय असेल खास?
Oppo Reno 7 5G चे स्पेशल व्हर्जन लॉन्च करण्यात आले आहे, जे नवीन वर्षाच्या पार्श्वभूमीवर लाल रंगात सादर करण्यात आले आहे. Oppo Reno 7 5G New Year Edition असे त्याचे नाव आहे. लाल रंगात येणारा हा फोन खूपच आकर्षक आहे.
मुंबई : Oppo Reno 7 5G चे स्पेशल व्हर्जन लॉन्च करण्यात आले आहे, जे नवीन वर्षाच्या पार्श्वभूमीवर लाल रंगात सादर करण्यात आले आहे. Oppo Reno 7 5G New Year Edition असे त्याचे नाव आहे. लाल रंगात येणारा हा फोन खूपच आकर्षक आहे. हा फोन नुकताच चीनमध्ये सादर करण्यात आला आहे आणि इतर देशांमध्ये कधी लाँच होईल याबद्दल कोणतीही माहिती देण्यात आलेली नाही. Oppo Reno 7 या वर्षी नोव्हेंबरमध्ये सादर करण्यात आला होता. (OPPO Reno 7 5G new year special editions launched, check its Specs)
Oppo Reno 7 5G New Year Edition हे रिडिझाइन केलेले मॉडेल आहे आणि त्याचे फीचर्स नोव्हेंबरमध्ये लॉन्च झालेल्या फोनसारखेच आहेत. या Oppo मोबाईलमध्ये 6.43 इंचांचा फुल एचडी प्लस AMOLED डिस्प्ले आहे. त्याचे रिझोल्यूशन 1,080×2,400 पिक्सेल आहे. त्याचा आस्पेक्ट रेशो 20:9 आहे. तसेच, यात 90hz च्या रिफ्रेश रेटसह डिस्प्ले देण्यात आला आहे.
OPPO Reno 7 5G अँड्रॉइड 11 आधारित कलरओएस 12 वर चालतो. या मोबाईलला क्वॉलकॉमच्या स्नॅपड्रॅगन 778जी चिपसेटची प्रोसेसिंग पॉवर मिळते. सोबत एड्रेनो 642 एल जीपीयू देण्यात आला आहे. फोन 12 जीबी पर्यंतच्या रॅम आणि 256 जीबी पर्यंतच्या स्टोरेजला सपोर्ट करतो.
या फोनमध्ये 32 मेगापिक्सलचा सोनी आयएमएक्स 709 सेन्सरसह सेल्फी कॅमेरा देण्यात आला आहे. फोनमधील ट्रिपल रियर कॅमेरा सेटअपमध्ये 64 मेगापिक्सलचा प्रायमरी सेन्सर आहे. त्याचबरोबर 8 मेगापिक्सलची वाईड अँगल लेन्स आणि 2 मेगापिक्सलची मॅक्रो लेन्स दिली आहे. या फोनमध्ये 4500mAh बॅटरी दिली आहे, जी 65वॉट फास्ट चार्जिंगला सपोर्ट करते.
Oppo Reno सिरीज ही एक लोकप्रिय मोबाईल फोन सिरीज आहे. यात अनेक उत्तमोत्तम फीचर्स आणि आकर्षक डिझाइन देण्यात आले आहे. हा एक फ्लॅगशिप सीरीज फोन आहे जो किफायतशीर दरात येतो. Oppo Reno सिरीज Vivo V21, OnePlus Nord 2 सारख्या ब्रँडशी स्पर्धा करते. Oppo स्वतःच एका लोकप्रिय ब्रँडकडे वाटचाल करत आहे.
इतर बातम्या
8GB रॅम आणि i5 प्रोसेसरवाले लॅपटॉप स्वस्तात खरेदीची संधी, HP, Dell, lenovo चे पर्याय
(OPPO Reno 7 5G new year special editions launched, check its Specs)
