Realme चा किफायतशीर स्मार्टफोन बाजारात, उरले फक्त काही तास, ट्रिपल कॅमेरासह मोठी मिळणार
स्मार्टफोन निर्माता कंपनी Realme India आपला नवीन स्मार्टफोन Realme C21Y भारतात लाँच करणार आहे. कंपनीने आपल्या अधिकृत वेबसाइटवर याची पुष्टी केली आहे.
मुंबई : स्मार्टफोन निर्माता कंपनी Realme India आपला नवीन स्मार्टफोन Realme C21Y भारतात लाँच करणार आहे. कंपनीने आपल्या अधिकृत वेबसाइटवर याची पुष्टी केली आहे की, हा फोन Realme.com वर आज (23 ऑगस्ट) सादर केला जाईल. Realme C21Y गेल्या महिन्यात व्हिएतनाम मध्ये सादर करण्यात आला आहे. यात ट्रिपल रियर कॅमेरा सेटअप आहे ज्यामध्ये प्रायमरी कॅमेरा 13 मेगापिक्सलचा आहे. यासोबत यात 5 मेगापिक्सलचा सेल्फी कॅमेरा देण्यात आला आहे. हा स्मार्टफोन Unisoc T610 SoC ने सपोर्टेड आहे आणि यात 5000mAh ची बॅटरी आहे. यासह, यात मागच्या बाजूला फिंगरप्रिंट स्कॅनर देखील उपलब्ध आहे. (Realme C21Y India launch set for August 23)
कंपनीने हा फोन लॉन्च करणार असल्याची पुष्टी एका प्रेस रिलीझद्वारे केली आहे आणि Realme.com वर एक मायक्रोसाइट देखील तयार केली आहे. यावरुन अशी माहिती मिळाली आहे की, हा फोन क्रॉस ब्लू आणि क्रॉस ब्लॅक कलर ऑप्शनमध्ये लॉन्च केला जाईल आणि त्याची किंमत व्हिएतनाम मॉडेलइतकीच असेल. व्हिएतनाममध्ये Realme C21Y च्या किंमतीबद्दल बोलायचे झाले तर या फोनच्या 3GB + 32GB मॉडेलची किंमत VND 3,240,000 (जवळपास 10,500 रुपये) आहे. त्याच वेळी, 4GB + 64GB मॉडेलची किंमत VND 3,710,000 (जवळपास 12,000 रुपये) इतकी आहे.
Realme C21Y चे स्पेसिफिकेशन्स
Realme C21Y Android 10 वर आधारित Realme UI वर चालतो आणि यात 6.5-इंच HD + (720 × 1,600 पिक्सेल) डिस्प्ले आहे. स्मार्टफोन Mali-G52 GPU सह जोडलेल्या Unisoc T610 SoC द्वारे सपोर्टेड आहे. यात 4GB रॅम आणि 64GB स्टोरेज स्पेस आहे जी स्पेस मायक्रो एसडी कार्डद्वारे वाढवता येते.
या स्मार्टफोनमध्ये ट्रिपल रिअर कॅमेरा आहे, ज्यामध्ये पहिला 13 मेगापिक्सलचा प्रायमरी सेन्सर, 2 मेगापिक्सलचा ब्लॅक अँड व्हाईट सेन्सर आणि 2 मेगापिक्सलचा मॅक्रो शूटर कॅमेरा आहे. यात 5-मेगापिक्सलचा सेल्फी शूटर आहे. फोनला पॉवर देण्यासाठी, यात 5000mAh ची बॅटरी देण्यात आली आहे जी रिव्हर्स वायर्ड चार्जिंगलादेखील सपोर्ट करते.
याशिवाय, कनेक्टिव्हिटीसाठी, यात LTE, Wi-Fi, Bluetooth v5, GPS, 3.5mm हेडफोन जॅक आणि चार्जिंगसाठी मायक्रो-यूएसबी टाइप सी पोर्ट देण्यात आला आहे. याशिवाय, त्याच्या मागील बाजूस फिंगरप्रिंट स्कॅनर देखील देण्यात आला आहे.
इतर बातम्या
आता iOS वापरकर्तेही खेळू शकतात बॅटलग्राउंड्स मोबाईल इंडिया, डाऊनलोडसाठी गेम उपलब्ध
भारतात 5G ची मारामार, तिकडे LG कडून 6G टेस्टिंग, डेटा ट्रान्समिशन प्रक्रिया यशस्वीपणे पार
रिअलमीने लाँच केले रिअलमी जीटी स्मार्टफोन आणि स्लिम बुक लॅपटॉप, जाणून घ्या किंमत आणि फीचर्स
