Realme P4 Lite 5G स्मार्टफोनवर मिळतेय 1500 रूपयांची सूट, जाणून घ्या किंमत

तुम्ही जर तुमच्या जुन्या फोनमधील लहान आणि कमी क्षमतेच्या बॅटरीमुळे त्रस्त असाल आणि नवीन फोन खरेदी करू इच्छित असाल तर 15 हजार रुपयांपेक्षा कमी बजेटमध्ये येणाऱ्या Realme P4 Lite 5G ची विक्री आजपासून सुरू होत आहे. विक्री सुरू झाल्यावर या फोनसाठी तुम्हाला किती पैसे खर्च करावे लागतील, हा फोन कोणत्या मॉडेल्सशी स्पर्धा करतो, या फोनद्वारे तुम्ही 1500 रुपयांची सूट कशी मिळवू शकता आणि या हँडसेटमध्ये तुम्हाला कोणती विशेष वैशिष्ट्ये मिळतील, हे जाणून घेऊयात.

भारतात Realme P4 Lite 5G ची किंमत

या फोनचे 3व्हेरिएंट आहेत. ज्यामध्ये 4 जीबी आणि 64 जीबी स्टोरेज व्हेरिएंट असलेल्या फोनची किंमत 12,999 रूपये आहे तर 4 जीबी रॅम आणि 128 जीबी व्हेरिएंटची किंमत 13,999 रूपये आणि 6 जीबी रॅम आणि 128 जीबी स्टोरेज व्हेरिएंट किंमत 15,999 रुपये आहे.

Realme P4 Lite 5G पर्याय

या किंमतीच्या रेंजमध्ये, हा फोन पोको एम7 प्लस 5G, मोटोरोला जी57 पॉवर 5G आणि ओप्पो के14एक्स 5G सारख्या मॉडेल्सशी स्पर्धा करेल. या फोनची विक्री फ्लिपकार्ट आणि कंपनीच्या वेबसाइटवर सुरू आहे. कंपनीच्या अधिकृत वेबसाइटनुसार या फोनवर 1 हजार रूपयांची सरळ सूट आणि 500 रूपयांची बँक ऑफर मिळेल. म्हणजेच तुम्ही 1500 रूपये वाचवू शकाल.

Realme P4 Lite 5G वैशिष्ट्ये

डिस्प्ले: या फोनमध्ये 900 निट्स पीक ब्राइटनेस, 180 Hz टच सॅम्पलिंग रेट आणि 144 Hz रिफ्रेश रेट सपोर्टसह 6.8-इंचाचा HD प्लस रिझोल्यूशन डिस्प्ले असेल.

ऑपरेटिंग सिस्टम: हा फोन अँड्रॉइड 16 वर आधारित असलेल्या रियलमी UI 7.0 वर चालतो. कंपनीने आश्वासन दिले आहे की या डिव्हाइसला तीन वर्षांसाठी सुरक्षा आणि ओएस अपडेट्स मिळतील.

रॅम: हा फोन 4 आणि 6 जीबी रॅमसह येतो, पण 8 जीबी व्हर्च्युअल रॅमच्या मदतीने तुम्ही रॅम सहजपणे 14 जीबीपर्यंत वाढवू शकाल.

स्टोरेज: फोनमध्ये अॅप्स आणि इतर गोष्टी साठवण्यासाठी 128 जीबी स्टोरेज असेल.

कॅमेरा: सेल्फी आणि व्हिडिओ कॉलिंगसाठी 13 मेगापिक्सलचा ड्युअल रियर कॅमेरा आणि 5 मेगापिक्सलचा फ्रंट कॅमेरा उपलब्ध असेल.

कनेक्टिव्हिटी: या फोनमध्ये 5G, Wi-Fi 5, ब्लूटूथ व्हर्जन 5.3, 3.5mm हेडफोन जॅक आणि USB टाइप C पोर्ट असेल.

एआय वैशिष्ट्ये: या फोनमध्ये एआय क्लियर फेस, एआय इरेझर 2.0, एआय पावर्ड डॉक्युमेंट्स आणि एआय असिस्टन्स यांसारखी वैशिष्ट्ये असतील.

बॅटरी: या डिव्हाइसमध्ये 7000 mAh क्षमतेची बॅटरी असून, त्याला 15 W वायर्ड चार्जिंगचे समर्थन असेल.