रियलमी P4r 5G स्मार्टफोन 8000mAh बॅटरी आणि 14GB व्हर्च्युअल रॅमसह झाला लाँच
तुम्ही जर 20 हजार ते 25 हजार रुपयांच्या बजेटमध्ये नवीन फोन खरेदी करण्याचा विचार करत असाल, तर या किंमत श्रेणीमध्ये नवीन रियलमी P4r 5G स्मार्टफोन लाँच करण्यात आला आहे. हा फोन 8000 mAh बॅटरी आणि VC कूलिंग सिस्टीम यांसारख्या वैशिष्ट्यांनी परिपूर्ण आहे. चला तर मग या फोनची किंमत आणि स्पेसिफिकेशन जाणून घेऊयात.
तुम्हाला जर नवीन स्मार्टफोन खरेदी करायचला असेल आणि त्यात तुमचा बजेट रेंज जर 20 हजार ते 25 हजार रूपयांच्या आसपास असल्यास तुम्ही रियलमी कंपनीचा एक उत्तम नुकताच लाँच झालेला फोन खरेदी करू शकता. तर रियलमी कंपनीने 8000 mAh बॅटरी असलेला हा नवीन स्मार्टफोन लाँच केला आहे. या फोनच्या फीचर्सबद्दल बोलायचे झाल्यास या फोनमध्ये 45 वॅट फास्ट चार्जिंग, HD+ रिझोल्यूशन डिस्प्ले, 50 मेगापिक्सल कॅमेरा सेन्सर आहे. हा फोन कंपनीच्या P सीरीजचा एक भाग आहे आणि ही सीरीज कंपनीच्या बॅटरीवर केंद्रित आहे. यापूर्वी याच सीरीजमध्ये रियलमी P4 पॉवर देखील लाँच करण्यात आला होता, ज्यामध्ये 10,001 mAh बॅटरी आहे. या फोनला धूळ आणि पाण्यापासून संरक्षणासाठी IP65 रेटिंग मिळाले आहे. याशिवाय फोन थंड ठेवण्यासाठी एअरफ्लो VC कूलिंग सिस्टीम देण्यात आली आहे. चला तर मग आजच्या लेखात आपण या फोनची किंमत आणि जबरदस्त फिचर्स जाणून घेऊयात.
भारतात Realme P4r 5G ची किंमत
रियलमी स्मार्टफोनची किंमत 4GB रॅम आणि 128GB स्टोरेज व्हेरिएंटसाठी 18 हजार 999 रूपये इतकी आहे. तर 6GB रॅम आणि 128GB स्टोरेज व्हेरिएंटसाठी 20 हजार 999 रूपये आणि 6GB रॅम आणि 256GB स्टोरेज व्हेरिएंटसाठी 22 हजार 999 आहे. तथापि हे व्हेरिएंट्स 16 हजार 999 रूपये 18 हजार 999 रूपये आणि 20 हजार 999 रूपये या विशेष लाँच किमतींमध्ये उपलब्ध केले आहेत. स्पर्धेच्या बाबतीत हा फोन विवो T5x 5G, मोटोरोला एज 60 फ्यूजन 5G, आणि ओप्पो K14 5G सारख्या स्मार्टफोन्सशी स्पर्धा करेल.
रियलमी पी४आर 5जी फिचर्स
बॅटरी: तर या फोनमध्ये पॉवरफूल 8000mAh क्षमतेची बॅटरी आहे, जी एकदा चार्ज केल्यावर तीन दिवसांपर्यंत चालते असा दावा कंपनीने केला आहे. तसेच हा फोन 45W फास्ट चार्जिंग आणि रिव्हर्स चार्जिंगलाही सपोर्ट करतो.
चिपसेट: या मिड-रेंज रियलमी स्मार्टफोनमध्ये मीडियाटेक डायमेन्सिटी 6300 प्रोसेसर वापरण्यात आला आहे.
रॅम: या फोनमध्ये 14GB पर्यंत डायनॅमिक रॅम आहे, ज्यामुळे व्हर्च्युअल रॅमच्या मदतीने मल्टीटास्किंग आणि दैनंदिन कामे सोपी होतात.
डिस्प्ले: या फोनमध्ये 6.8-इंचाचा HD+ रिझोल्यूशन LCD स्क्रीन आहे जो 1200 nits पीक ब्राइटनेस आणि 144Hz रिफ्रेश रेटला सपोर्ट करतो.
कॅमेरा: या फोनमध्ये मागील बाजूस 50-मेगापिक्सलचा ड्युअल रियर कॅमेरा सेटअप आणि पुढील बाजूस 8-मेगापिक्सलचा कॅमेरा सेन्सर आहे.
एआय फीचर्स: या फोनमध्ये एआय इरेझर 2.0, एआय अल्ट्रा क्लॅरिटी, एआय अनब्लर, एआय पोर्ट्रेट ग्लो यांसारखी अप्रतिम फीचर्सदेखील आहेत.
ऑपरेटिंग सिस्टम: हा फोन सुरुवातीपासूनच Realme 7.0 वर चालतो, कंपनीने आश्वासन दिले आहे की या फोनला 2 ओएस अपग्रेड आणि 3 वर्षांचे सुरक्षा अपडेट मिळतील.
