झोपताना WiFi राउटर चालू असावे की बंद? जाणून घ्या किती होऊ शकते विजेची बचत

प्रत्येक घरात आता वायफाय राउटरचा वापर होताना दिसत आहे. कारण आजच्या आधुनिक युगात इंटरनेट प्रत्येकांची गरज बनली आहे. यामागे महत्वांच कारण म्हणजे लोकं आता आधीपेक्षा इंटरनेटचा वापर करत आहेत. त्यामुळे व्हिडीओ पाहणे किंवा कोणतेही कंटेट डाउनलोड करण्यासाठी हाय-स्पीड इंटरनेटची आवश्यकता आहे. त्यामुळे आता अनेकजण या इंटनेटच्या वापराने सतत ऑनलाइन राहू लागले आहेत. कारण जर तुम्हाला रात्री उशिरापर्यंत जागे राहण्याची आणि तासनतास तुमच्या डिव्हाइसवर स्क्रोल करण्याची सवय असेल, तर तुम्ही तुमचा वाय-फाय राउटर रात्रभर चालू ठेवता. पण तुम्ही याचा कधी विचार केला आहे का की तुमच्या वीज बिलावर काय परिणाम होतो? बहुतेक लोकांसाठी, त्यांचे वाय-फाय राउटर 24/7 चालू ठेवणे हा सर्वोत्तम पर्याय आहे. कारण काही राउटर हे त्यांच्यासाठी एक कनेक्टिव्हिटी अनुभव सुनिश्चित करते आणि डिव्हाइसला योग्यरित्या कार्य करण्यास मदत करते.

आपल्यापैकी काहीजण असे आहेत जे रात्री झोपताना वायफाय बंद करून झोपतात, जेणेकरून वीजबिलाची बचत होऊ शकते. पण तुम्ही जेव्हा रात्रीच्या वेळी तुमचा वाय-फाय राउटर बंद करून ठेवले तरी ही बचत इतकी कमी आहे की त्याचा तुमच्या वीज बिलात फारसा फरक दिसणार नाही. लोक सहसा ते बंद करत नाहीत कारण राउटर 24/7 चालण्यासाठी डिझाइन केलेले असतात आणि वारंवार चालू/बंद केल्याने त्यांचे आयुष्य कमी होऊ शकते.

वाय-फाय राउटर किती वीज वापरतो?

आपल्या प्रत्येकाच्या घरातील राउटर खूप कमी वीज वापरतात, सहसा फक्त ५-२० वॅट्स. जरी तुम्ही रात्री ते बंद केले तरी उर्जेची बचत खूपच कमी असते आणि तुमच्या वीज बिलावर त्याचा कोणताही लक्षणीय परिणाम होणार नाही.

रात्री वाय-फाय बंद करावे का?

हा एक सामान्य प्रश्न आहे आणि बरेच लोकं वीज वाचवण्यासाठी याचा वापर करतात. पण आम्ही तुम्हाला सांगतो की इंटरनेट सेवा प्रदाते (ISP) अनेकदा वाय-फाय बंद करण्यास नकार देतात. कारण राउटरना सामान्यतः रात्रीच्या वेळी महत्त्वाचे फर्मवेअर अपडेट मिळतात, जे त्यांची सुरक्षा आणि कार्यक्षमता वाढवतात.

याशिवाय, राउटर नियमितपणे चालू आणि बंद केल्याने त्याच्या संपूर्ण नेटवर्क हेल्थमध्ये व्यत्यय येतो आणि त्यामुळे तुमच्या घरातील इंटरनेट योग्यरित्या काम करू शकत नाही आणि नेटवर्क समस्या उद्भवू शकते.

तिसरी सर्वात महत्त्वाची गोष्ट म्हणजे थर्मोस्टॅट्स, कॅमेरे आणि व्हॉइस असिस्टंट सारखी स्मार्ट उपकरणे तुमच्या राउटरशी कनेक्टेड असतात आणि त्यावर अवलंबून असतात. रात्री तुम्ही राउटर बंद केल्यास तुमच्या स्मार्ट थर्मोस्टॅटचे वेळापत्रक बिघडू शकते, तसेच सुरक्षा कॅमेरे किंवा डोअरबेल कॅमेरे खराब होऊ शकतात आणि व्हॉइस असिस्टंट प्रतिसाद देणे थांबवू शकतात. म्हणून, दिवस असो वा रात्र, तुमचा वाय-फाय राउटर कधीही बंद करू नका असा सल्ला दिला जातो.