गैजेट प्रेमींना आकर्षित करत आहे ही ट्रांपरंट पाॅवर बँक, काय आहेत वैशिष्ट्ये?

मुंबई : गॅजेट अॅक्सेसरीज आणि कन्झ्युमर इलेक्ट्रॉनिक्स ब्रँड Ubon ने आपली अतिशय अनोखी पॉवर बँक (Transparent Power Bank)  बाजारात आणली आहे. वास्तविक ही PB-X35 नावाची पारदर्शक पॉवर बँक आहे. ही पॉवर बँक भारतात 3699 रूपयांमध्ये लॉन्च करण्यात आली आहे. ही पॉवर बँक 22.5Watts ची आहे, या क्षमतेसह ती तुमचा स्मार्टफोन इतर कोणत्याही पॉवर बँकेपेक्षा खूप वेगाने चार्ज करण्यास सक्षम आहे.

तपशील आणि वैशिष्ट्ये

या पॉवर बँकेत ग्राहकांना ट्विन इनपुट चार्जिंग कनेक्टर (टाइप C/V8) आणि 2.0A आउटपुट चार्जिंग पोर्ट दिले आहेत. या पॉवर बँकमध्ये शक्तिशाली लिथियम पॉलिमर बॅटरी बसवण्यात आली आहे, जी फास्ट चार्जिंग तंत्रज्ञानाच्या सपोर्टसह येते आणि बॅटरीचे आयुष्यही दीर्घकाळ देते. या बॅटरीमुळे ग्राहक एकाच वेळी दोन उपकरणे सहज चार्ज करू शकतात. चार्जर आणि डिव्हाइस दोन्हीची सुरक्षितता सुनिश्चित करण्यासाठी, कंपनीने या पॉवर बँकमध्ये ओव्हरहाटिंग संरक्षण, शॉर्ट सर्किट संरक्षण आणि ओव्हरचार्ज संरक्षण देखील ऑफर केले आहे जे या श्रेणीतील इतर कोणत्याही पॉवर बँकमध्ये देऊ शकत नाही. या पॉवर बँकेद्वारे ग्राहक टॅब्लेट, कॅमेरा, हेडफोन, अँड्रॉइड आणि टाइप सी-सक्षम उपकरणे चार्ज करू शकतात.

डिझाइन आहे विशेष

या पॉवर बँकेचे सर्वात मोठे वैशिष्ट्य म्हणजे याचे डिझाईन अतिशय अनोखे आहे, यामागील कारण म्हणजे ते पारदर्शक ठेवण्यात आले आहे ज्याद्वारे ते पाहिले जाऊ शकते. या पॉवर बँकेसोबत एक अतिशय मजबूत कॅरीबॅगही देण्यात आली आहे. या पॉवर बँकेत 2-इन-1 टाइप-सी पोर्टसह यूएसबी पोर्ट आहे आणि भारतीय ग्राहक ते रु.3699 मध्ये घरी घेऊन जाऊ शकतात.

या पॉवर बँकला टक्कर देण्यासाठी बाजारात आधीच अनेक ब्रँड्स आहेत जे शक्तिशाली पॉवर बँक ऑफर करत आहेत. यामध्ये अँब्रेन, एमआय, क्रोमा या कंपन्यांचा समावेश आहे. ही पॉवर बँक डिझाईनच्या बाबतीत अधिक वैशिष्ट्यपूर्ण असली तरी तिची किंमतही थोडी जास्त आहे. यामध्ये फास्ट चार्जिंगचा पर्यायही दिला जात आहे, ज्यामुळे स्मार्टफोन जलद चार्ज होतो.