गाडीला ठोकताच थेट कारच्या छतावर उडाला तरुण, व्हिडिओ पाहून काळजाचा ठोका चुकेल
सुदैवाने यात तरुण सुखरुप बचावला आहे. मात्र वाहतुकीचे नियम पाळले नाहीत तर काय होते याची प्रचिती व्हिडिओ पाहून आपणालाही नक्की येईल.
सोशल मीडियावर अपघातांचे अनेक व्हिडिओ व्हायरल होत असतात. काही व्हिडिओ अक्षरशः अंगाचा थरकाप उडवणारे असतात. यातील बऱ्याच घटना वाहतुकीचे नियम न पाळल्याने घडतात. असाच एक व्हिडिओ सध्या सोशल मीडियावर व्हायरल झाला आहे. व्हिडिओ पाहिल्यानंतर तुमच्याही अंगावर काटा आल्याशिवाय राहणार नाही. एक दुचाकीस्वार पुढे उभ्या असलेल्या कारवर आदळला. आश्चर्याची बाब म्हणजे यात दुचाकीस्वाराला जराही खरचटले नाही. मात्र कारवर धडकल्यानंतर तो थेट गाडीच्या छतावर उडाला.
सुदैवाने यात तरुण सुखरुप बचावला आहे. मात्र वाहतुकीचे नियम पाळले नाहीत तर काय होते याची प्रचिती व्हिडिओ पाहून आपणालाही नक्की येईल.
काय आहे व्हिडिओत?
व्हिडिओत एक तरुण वेगात बाईक चालवत आहे. बाईकचा वेग इतका होता की समोर असलेल्या पांढऱ्या रंगाच्या गाडीला जोरदार धक्का दिला. कारवर आदळल्यानंतर बाईकस्वार थेट हवेत उडून कारच्या छतावर पडला.
राशिफल में लिखा था आज टू व्हीलर से फोर व्हीलर की सवारी की जा सकती है… pic.twitter.com/c1DZ3gv7jO
— सुनील पंवार (@Sunilpanwar2507) October 20, 2022
व्हिडिओत आपण पाहू शकता की, पांढऱ्या रंगाची कार काळ्या रंगाच्या कारमागे हळूहळू सरकत आहे. एवढ्यात मागून वेगात आलेल्या बाईकची पांढऱ्या कारला जोरदार धडक दिली. धडक इतकी जोरदार होती, की कारला धडक दिल्यानंतर कारही थोडी पुढे ढकलली गेली.
केवळ निष्काळजीपणामुळे तरुणासोबत ही घटना घडली आहे. केवळ दैव बलवत्तर म्हणून तरुण यातून सुखरुप बचावला आहे. एखाद्या चित्रपटात शोभेल असे हे दृश्य पाहून तुम्हीही चकीत व्हाल.
सोशल मीडियावर व्हिडिओला लाईक्स
हा व्हिडिओ ट्विटरवर शेअर करण्यात आला आहे. हा व्हिडिओ खूप लोकांकडून पाहिला आणि शेअर केला जात आहे. या व्हिडिओला आतापर्यंत 496.1K व्ह्यूज मिळाले आहेत, तर 10 हजारांहून अधिक लोकांनी या व्हिडिओला लाईक केले आहे. व्हिडिओ पाहिल्यानंतर यूजर्स विविध प्रतिक्रियाही देत आहेत.
