Viral Video : 75 लाख खर्च करून उभं केलं घर; मुलानेच हाकलून दिल्याचा आई-वडिलांचा आरोप, पण समोर आली वेगळीच बाजू
आग्र्यातील राम बिलास कटारा आणि त्यांच्या पत्नी उषा कटारा यांचा घराच्या वादाशी संबंधित VIDEO सोशल मीडियावर VIRAL झाला आहे. मात्र आग्रा पोलिसांच्या माहितीनुसार हे प्रकरण मालमत्तेच्या मालकी हक्क आणि वाटणीशी संबंधित असून न्यायालयात सुरू आहे.
आयुष्यभराची कमाई लावून घरं उभं केलं, पण आज त्यात घरातून त्यांना मुलाने हाकलवून लावलं आहे.स्वत:च्या हक्काचे घर असूनही आज त्यांना भाड्याच्या घरात राहावं लागतंय. आग्र्यातील राम बिलास कटारा आणि त्यांची पत्नी उषा कटारा यांचा एक व्हिडिओ सोशल मीडियावर व्हायरल झाला आहे. या व्हिडिओमध्ये त्यांनी मुलगा आणि सुनेवर घरातून हालकलवून लावल्याचे आरोप केले आहेत.
मात्र या प्रकरणाला एक दुसरी बाजू देखील आहे. आग्रा पोलिंसांच्या माहितीनुसार हा कौटुंबिक मालमत्तेच्या मालकी हक्क आणि वाटणीचा वाद असून प्रकरण सध्या न्यायालयात सुरू आहे.
राम बिलास कटारा यांच्या म्हणण्यांनुसार, त्यांनी घर बांधण्यासाठी 75 लाख रूपये खर्च केले होते. त्यांचा आरोप असा आहे कि याच त्यांच्या घरातून त्यांच्या दत्तक घेतलेल्या मुलाने आणि सुनेने त्यांना आणि त्यांच्या पत्नीला घरातून बाहेर काढले. त्यानंतर हे दांपत्य आता आपल्या लहान मुलासोबत राहत भाड्याने राहत आहे.
या प्रकरणाबाबत न्याय मिळावा यासाठी गेल्या काही वर्षापासून अधिकाऱ्यांकडे धाव घेत असल्याचा दावा राम बिलास यांनी केला आहे. त्यांनी सोशल मीडियावरही यासंबंधित 10 हजार व्हिडिओ शेअर केले आहेत.व्हायरल झालेल्या या व्हिडिओत त्यांची पत्नी रडताना दिसत आहे. तर राम बिलास लोकांकडे आणि प्रशासनाकडे मदतीची मागणी करत आहे.
Agra: थाना मलपुरा की लापरवाही का वीडियो वायरल। 70 वर्षीय बुजुर्ग दंपत्ति अपनी संतान से दुखी, पुलिस को बताया जान का दुश्मन। सीनियर सिटीजन ने लगाए गंभीर आरोप, कमिश्नरेट की कार्यशैली पर सवाल। #Agra #UPPolice https://t.co/WleKCMKJDk
— Shubham Tripathi (@Shubham9250500) October 1, 2026
तसेच राम बिलास यांनी त्यांच्या सुनेवर आणि मुलावर ते घर त्यांच्या परवानगीशिवाय विकल्याचा आरोपही केला आहे.या प्रकरणात न्यायालयीन वाद सुरू असल्याने मालमत्तेचा अद्याप अंतिम निर्णय झालेला नाही.
दरम्यान व्हिडिओ व्हायरल झाल्यानंतर आग्रा पोलिसांनी या प्रकरणाची चौकशी सुरू केली. पोलिसांच्या माहितीनुसार राम बिलास यांनी त्यांच्या या दत्तक मुलावर आणि सुनेवर तक्रार देखील नोंदवली आहे.
पोलिंसांनी पुढे स्पष्ट केलंय की, सध्या राम बिलास हे त्यांच्या पत्नी आणि लहान मुलासोबत भाड्याने राहत आहेत. चौकशीदरम्यान दोन्ही बाजूंचे जबाब नोंदवण्यात आले असून परस्परविरोधी माहिती समोर आली आहे. पोलिसांनी हे प्रकरण कौटुंबिक आणि दिवानी स्वरूपाचं असल्यांच सांगितलं आहे. म्हणून सोशल मीडियावर जरी हे दांपत्य कितीही मदतीची याचना करत असलं तरी या प्रकरणाचा अंतिम निर्णय न्यायालयीन प्रकियेतूनच होणार आहे.
