Arun Yadav: भाजपकडून हकालपट्टी, जुनं पण पुन्हा चर्चेत आलेलं वादग्रस्त ट्विट! हरियाणा आयटी सेलच्या प्रमुखाला पक्षातून काढलं…

चंदीगड: मुस्लिम आणि इस्लाम (Muslim And Islam) यांच्याविरोधात वादग्रस्त ट्विट केल्याबद्दल अरुण यादव यांना अटक करण्याची मागणी वाढत असताना, भाजपच्या हरियाणा माहिती तंत्रज्ञान युनिटचे प्रमुख (IT Cell Head) अरुण यादव (#ArrestArunYadav) यांची पक्षाने गुरुवारी हकालपट्टी केली. हरियाणाचे भाजप सचिव गुलशन भाटिया यांनी जारी केलेल्या निवेदनानुसार, पक्षाचे राज्य युनिट प्रमुख ओ. पी. धनकर यांनी अरुण यादव यांना तत्काळ प्रभावाने काढून टाकले. पण यादव यांना हटवण्यामागचे कारण या निवेदनात नमूद करण्यात आले नाही. अरुण यादव यांना त्यांच्या सोशल मीडिया पोस्टसाठी अनेक टीकांचा सामना करावा लागला आहे. सोशल मीडियावर विरोधकांसह अनेक जणांनी त्यांच्यावर टीका केलीये. पण ज्या पोस्टमुळे त्यांच्यावर ही तीव्र टीका केली जातीये ती पोस्ट 2018 सालची आहे. #ArrestArunYadav गुरुवारी ट्विटरवरील टॉप ट्रेंडपैकी एक होता, त्यांच्या यावर्षीच्या मे मधील आणि 2017 दरम्यान पोस्ट केलेल्या ट्विट्सला सोशल मीडिया यूजर्सने शेअर केलंय आणि सोबतच #ArrestArunYadav हा टॅग लावलाय. यादव आपल्या सोशल मीडिया पोस्ट्समुळे वादाच्या भोवऱ्यात सापडले आहेत, जे त्यांच्या विरोधकांनी मोठ्या प्रमाणात शेअर केले आहेत.

#ArrestArunYadav

If Zubair can be arrested for a 4 year old tweet, why can’t @beingarun28 too for his 5 year old tweet?#ArrestArunYadav @DelhiPolice @DCP_CCC_Delhi pic.twitter.com/OKWnG1600N

— Team Saath Official? (@TeamSaath) July 7, 2022

भाजपच्या माजी प्रवक्त्या नुपूर शर्मा यांच्यासारखी भाषा

अनेकांनी असेही म्हटले आहे की, यादव यांची भाषा ही भाजपच्या माजी प्रवक्त्या नुपूर शर्मा यांच्यासारखी आहे, ज्यांनी टीव्हीवरील चर्चेत प्रेषित मोहम्मद पैगंबर यांच्यावरील वक्तव्याने प्रचंड आरडाओरडा सुरू केला होता, परंतु अरुण यादव यांच्याविरोधात अद्याप कोणतीही पोलिस तक्रार दाखल करण्यात आलेली नाही, असे हरयाणाच्या अधिकाऱ्यांनी एनडीटीव्हीला सांगितले आणि भाजपने अद्याप त्यांना पक्षातून काढून टाकलेले नाही.

#ArrestArunYadav Will any Muslim organization get an FIR done against this hated dog like Arun Yadav? pic.twitter.com/jJEBwjVScr

— Rizwan Arif INC (@Arifrizwan1992) July 7, 2022

टिपू सुलतान पार्टीचे अध्यक्ष शेख सदेक यांचं ट्विट

“हॅलो @DGPHaryana @DelhiPolice जर जुबैरला त्याच्या 2018 च्या ट्विटबद्दल अटक केली जाऊ शकते, तर मग अरुण यादव का नाही?” असे टिपू सुलतान पार्टीचे अध्यक्ष शेख सदेक यांनी ट्विट केले आहे.

Hello @DGPHaryana @DelhiPolice

If Zubair can be arrested for his 2018 tweet, then why not Arun yadav ?#ArrestArunYadav pic.twitter.com/mVmxAutMic

— Prof Shaikh Sadeque (@TSP_President) July 7, 2022

जुनं पण पुन्हा चर्चेत आलेल्या वादग्रस्त ट्विट!

एका टीव्ही शोमध्ये नुपूर शर्मा यांनी प्रेषित मोहम्मद यांच्यावरील वादग्रस्त टिप्पण्यांना हिरवा झेंडा दाखवल्यानंतर २७ जून रोजी झुबैर यांना दिल्लीत अटक करण्यात आली. २ जुलै रोजी पोलिसांनी जुबैर यांच्यावर परकीय योगदान नियमन कायद्यान्वये अतिरिक्त आरोप जोडला आणि त्यांना आणखी १४ दिवस कोठडीत ठेवण्यात आले. ४ जुलै रोजी उत्तर प्रदेशात तीन द्वेषी आरोपी हिंदू कट्टरपंथीयांना ‘हेटमॉंगर्स’ संबोधल्याबद्दल त्यांच्याविरुद्ध आणखी एक खटला दाखल करण्यात आला होता. गुरुवारी जुबैर यांना आणखी १४ दिवसांची कोठडी सुनावण्यात आली. दरम्यान आता जुनं पण पुन्हा चर्चेत आलेल्या वादग्रस्त ट्विटवरून भाजपचे आयटी सेल प्रमुख अरुण यादव यांची भाजप कडून हकालपट्टी करण्यात आलीये.