माकड कपडे धुताना म्हणतंय “मेरा तो नरक फ्रॉम होम चल रहा है भय्या”! व्हिडीओ पाहून खूप हसाल

या व्हिडिओमध्ये माकड कपडे धुत असताना धोबीची नक्कल करताना दिसत आहे.

baby monkey washing clothesImage Credit source: Social Media

Rachana Bhondave | Updated on: Nov 03, 2022 | 3:43 PM

माकडं पृथ्वीवरील सर्वात बुद्धिमान प्राण्यांपैकी एक असल्याचं म्हटलं जातं. लोकांकडून अन्न चोरण्यासाठी जेव्हा ते येतात तेव्हा अनेकदा त्यांची चतुराई दिसून येते. अनेकदा माकडांनी स्मार्टफोनमध्येही रस दाखवला आहे. आता एक मजेशीर व्हिडिओ व्हायरल होत आहे, ज्यामध्ये एक माकड माणसांप्रमाणे घरकाम करताना दिसत आहे. अनेकदा आपण पाहतो की लोक विहिरीवर, नळखाली बाथरूममध्ये जाऊन साबणाने कपडे धुत असतात. मात्र, एक छोटे माकडही असेच काही करताना दिसले. आता हा व्हिडिओ सोशल मीडियावर चांगलाच व्हायरल होत आहे.

ओरिजिनल व्हिडिओ काही वर्षांपूर्वी शेअर करण्यात आला होता, पण नेटिझन्सच्या मनोरंजनासाठी नुकताच तो पुन्हा एकदा समोर आलाय.

या व्हिडिओमध्ये माकड कपडे धुत असताना धोबीची नक्कल करताना दिसत आहे. माकड साबणाच्या पाण्याने सिंकमध्ये बसून त्यात कपडे धुत आहे.

तो ते कपडे धोबीसारखे खाली आपटताना दिसतोय. बहुतेक त्याने कुणालातरी हे करताना पाहिले आणि मग त्याने अगदी तसेच करण्यास सुरवात केलीये.

याच कारणामुळे लोक माकडाला मजेत कॉपीकॅट म्हटलं जातंय. तो माणसाची नक्कल करताना दिसतोय. हा व्हिडिओ पाहून लोक खूप हसलेत.