पवार कुटुंबाचं बेडरूम महाराष्ट्रात, किचन तेलंगणात! अजब घराची गजब कहाणी
एका युझरने लिहिले की, "मला सांगा की तुमचे किचन तेलंगणात आहे, तुम्ही महाराष्ट्राचे आहात, वडापाव बनवला जातो कि साऊथची डिश बनवली जाते?"
दोन वेगवेगळ्या राज्यांच्या सीमेवर उभ्या असलेल्या घरात राहण्याची तुम्ही कधी कल्पना केली आहे का? होय, असं एक घर आहे ज्याचे फोटो आता सगळीकडे व्हायरल होतायत. या एकाच कुटुंबातील अनेक सदस्य वेगवेगळ्या राज्यात राहतात. महाराष्ट्र आणि तेलंगणा या दोन्ही ठिकाणी चंद्रपूर जिल्ह्याच्या सीमेला लागून असलेल्या जिवती तहसीलमधील महाराजगुडा गावात पवार कुटुंब राहते. दोन्ही राज्यांमध्ये राहणाऱ्या 13 जणांच्या पवार कुटुंबीयांचा अनुभव अतिशय अनोखा आहे. त्यांची एक विचित्र भावना आहे.
दोन्ही राज्यांनी महाराष्ट्र-तेलंगणा सीमेवरील 14 गावांवर दावा केला आहे. या गावांना दोन्ही राज्यांच्या कल्याणकारी कार्यक्रमांचा फायदा होतो आणि महाराष्ट्र आणि तेलंगणामध्ये नोंदणीकृत प्लेट्स असलेली वाहने देखील आहेत.
ते दोन्ही राज्यांना करही भरतात. महाराजगुडा गावातील त्यांच्या दहा खोल्यांच्या घरापैकी चार खोल्या तेलंगणात तर चार खोल्या महाराष्ट्रात आहेत. स्वयंपाकघर तेलंगणात आहे, तर बेडरूम आणि हॉल महाराष्ट्रात आहेत.
हे कुटुंब अनेक वर्षांपासून या घरात राहत आहे. मिळालेल्या माहितीनुसार, 1969 मध्ये सीमावाद मिटला तेव्हा पवार कुटुंबीयांची जमीन दोन राज्यात विभागली गेली होती. त्यामुळे घराचीही वाटणी झाली.
वृत्तसंस्थेने दिलेल्या माहितीनुसार, कायदेशीरदृष्ट्या ही गावे महाराष्ट्राचा भाग असू शकतात, पण तेलंगणा सरकार आपल्या योजनांनी या गावातील लोकांना सतत आकर्षित करत आहे.
Maharashtra | A house in Maharajguda village, Chandrapur is spread b/w Maharashtra & Telangana – 4 rooms fall in Maha while 4 others in Telangana
Owner, Uttam Pawar says, “12-13 of us live here. My brother’s 4 rooms in Telangana&4 of mine in Maharashtra, my kitchen in Telangana” pic.twitter.com/vAOzvJ5bme
— ANI (@ANI) December 15, 2022
एका युझरने लिहिले की, “मला सांगा की तुमचे किचन तेलंगणात आहे, तुम्ही महाराष्ट्राचे आहात तर तिथे वडापाव बनवला जातो किंवा साऊथची डिश बनवली जाते?” सोशल मीडियावर या घराचा एक फोटो व्हायरल होत असून हे घर पाहून लोक आपल्या प्रतिक्रिया देत आहेत.
