अबब! 1158 किलोचा भोपळा, शेतकऱ्याचा नाद नाय!
एका मीडिया रिपोर्टनुसार या उत्पादनासाठी शेतकऱ्याचा गौरव करण्यात आलाय आणि त्याला बक्षीसही देण्यात आलंय.
भाज्या किंवा फळांचा आकार नेहमीपेक्षा मोठा असणं असं बरेचदा दिसून येतं. अशा गोष्टी अनेकदा व्हायरल सुद्धा होतात. माणूस खूप प्रयोगशील आहे. असे प्रयोग करून करून बऱ्याच गोष्टी नवीन तयार होतात आणि त्या व्हायरल सुद्धा होतात. बरेचदा भाज्यांचा, फळभाज्यांच्या आकार इतका मोठा असतो की त्याचा विक्रम होतो. असाच एक प्रकार समोर आलाय एका शेतकऱ्याने 1158 किलोचा एक भोपळा पिकवला. हा भोपळा प्रदर्शनात ठेवण्यात आलाय.
हा भोपळा अमेरिकेच्या न्यूयॉर्कमधील आहे. मीडिया रिपोर्ट्सनुसार, स्कॉट अँड्र्यूज असं या शेतकऱ्याचं नाव आहे. या शेतकऱ्याने संपूर्ण उत्तर अमेरिकेतील सर्वात मोठा भोपळा पिकवण्याचा विक्रम मोडीत काढलाय.
स्वत: शेतकऱ्याने असा पराक्रम कसा केला हे सांगितले. एवढेच नव्हे तर शेतकऱ्याचा हा भोपळा जगातील सर्वात मोठ्या भोपळ्याच्या विक्रमाच्या तुलनेत काहीसा मागे होता, अन्यथा विश्वविक्रम या शेतकऱ्याच्या नावावर झाला असता.
एका मीडिया रिपोर्टनुसार या उत्पादनासाठी शेतकऱ्याचा गौरव करण्यात आलाय आणि त्याला बक्षीसही देण्यात आलंय.
न्यूयॉर्क येथे झालेल्या ‘द ग्रेट ब्लोपली फार्म’मध्ये वार्षिक जागतिक भोपळ्याच्या वजन स्पर्धेत शेतकरी भोपळ्याचे वजन मोजले गेले, त्यानंतर ते 2554 पौंड (सुमारे 1158 किलो) असल्याचे निष्पन्न झाले. त्यासाठी शेतकऱ्याला प्रमाणपत्र व 5500 अमेरिकन डॉलरची बक्षिसाची रक्कम देण्यात आली.
शेतकरी म्हणाला की, तो वेळोवेळी भोपळा आणि फणसाची लागवड करतो. हे भोपळ्याचे बीज घेण्यापूर्वी त्याने ठरवले होते की यावेळी मोठ्या आकाराच्या भोपळ्याचे बीज घ्यायचे.
उत्तम खत, वेळोवेळी त्याच्या वेली, इतर गोष्टी कापत राहणे, काळजी घेणे या सगळ्यानेच हे शक्य झाल्याचं शेतकऱ्याने सांगितलं.
कीटक, बुरशी आणि मांजरी सारख्या प्राण्यांपासून भोपळ्याचे संरक्षण करणे आवश्यक असल्याचेही या शेतकऱ्याने सांगितले. हा महाकाय भोपळा 16 ऑक्टोबरपर्यंत न्यूयॉर्कमधील क्लॅरेन्स मधील ग्रेट भोपळ्याच्या फार्ममध्ये प्रदर्शित होणार आहे.
