Viral: गुवाहाटीची झाडं झाली ना इकडं व्हायरल! नेते म्हणाले आरा, “ओक्के मध्ये आहे…काय ती झाडी, काय डोंगार…” निस्ती ऑडिओ क्लिपची चर्चा
जो तो उठतोय, निसर्गातला आपला एखादा फोटो टाकतोय आणि त्याला कॅप्शन देतोय,‘काय झाडी, काय डोंगार, काय हाटील’.
मुंबई: शिवसेनेचे (Shivsena) बंडखोर आमदार शाहजीबापू पाटील! राजकारण राहिलं बाजूला आणि हे बंडखोर आमदार सध्या तुफान व्हायरल झालेले आहेत. कालपासून फेसबुकवर लोकांचा नुसता राडाच सुरु आहे. जो तो उठतोय, निसर्गातला आपला एखादा फोटो टाकतोय आणि त्याला कॅप्शन देतोय,‘काय झाडी, काय डोंगार, काय हाटील’. आमदार शाहजीबापू पाटील (MLA Shahajibapu Patil) यांनी आपल्या गावातल्या एका कार्यकर्त्याला फोन केला. फोनवर बोलताना त्यांनी कार्यकर्त्याला सांगितलं गुवाहाटीमध्ये काय बाबा एक नंबर झाडं आहेत, डोंगर आहेत, हॉटेल आहेत. आता हे सांगताना त्यांनी जरा त्यांच्या गावाकडच्या शैलीत सांगितलं त्यामुळे ते वाक्य खूपच व्हायरल झालं. त्याहीपेक्षा राज्यात इतका मोठा राजकीय (Political) भूकंप सुरु असताना राज्याचं काय आणि ह्यांचं काय असं म्हणत ते प्रचंड ट्रोल झाले.
निसर्ग बघून शहाजीबापू भारावले
गुवाहाटीतली निसर्ग बघून शहाजीबापू भारावले. त्यांनी आपल्या मतदारसंघातील एका कार्यकर्त्याला फोन केला आणि मनमोकळा संवाद साधला. त्या संवादातील त्यांचं एक वाक्य आज चर्चेचा विषय ठरतंय. ‘काय झाडी, काय डोंगुर, काय हाटील’ हेच ते वाक्य आहे. ती झाडी, ते डोंगर आणि ते हॉटेलं पाहून शाहजीबापू पाटील एवढे भारावून का गेले? असा सवाल अनेकांना पडलाय.आसाममधील झाडी आणि डोंगर पाहून बापूंना आनंद होण्याची कारणंही तशीच आहेत. त्यातलं एक प्रमुख कारण म्हणजे बापुंचा मतदारसंघ, बापू सोलापूर जिल्ह्यातील सांगोला मतदारसंघाचं प्रतिनिधित्त्व करतात आणि हा मतदारसंघ दुष्काळी भाग म्हणून ओळखला जातो.
मंत्रिपदाची ऑफर
तसं तर शाहजीबापू पाटील यांची ऑडिओ क्लिपच व्हायरल झालीये. त्यात बऱ्याच गोष्टी त्यांनी बोलून दाखवल्या, ज्यात त्यांनी नवं सरकार स्थापन झाल्यास मंत्रिपदाची ऑफर असल्याचा त्यांनी उल्लेख केला. नुसत्या गुवाहाटीमधल्या निसर्गाचं कौतुक न करता शाहजीबापू पाटील यांनी एकनाथ शिंदेंच्या नेतृत्त्वाचं देखील कौतुक केलं. उपमुख्यमंत्री अजित पवार सुडानं वागतायत, आपल्याला एकनाथ शिंदेंचं नेतृत्त्व आवडलंय असा उल्लेख त्यांनी या ऑडिओ क्लिपमध्ये केलाय.
