Hero Alom: बेसूर गातो म्हणून सोशल मीडिया स्टारला टाकले तुरुंगात! माफीनाम्यावर स्वाक्षरीही घेतली, नेटकरी संतापले
फेसबुकवर अलोमला सुमारे 20 लाख लोक फॉलो करतात. तसेच, यूट्युबवर त्याचे 14 लाखांहून अधिक सब्स्क्राइबर्स आहेत. गायक, अभिनेता आणि मॉडेल म्हणून तो बांगलादेशच्या सोशल मीडियात ओळखला जातो, त्याचे व्हिडीओही मोठ्या प्रमाणात पाहिले जातात.
Hero Alom: बांगलादेशातून एक धक्कादायक प्रकार समोर आला आहे. पोलिसांनी हिरो अलोम (Hero Alom) या नावाच्या व्यक्तीला बेसूर गातो म्हणून अटक केलीये. सोशल मीडियावर (Social Media) त्याचे लाखो फॉलोअर्स आहेत, मात्र वाईट गाण्यासाठी पोलिसांनी त्याला पकडून मानसिक छळ केलाय. हिरो अलोम म्हणाले की, पोलिसांनी त्याला पुन्हा शास्त्रीय गाणे न गाण्याच्या सूचना दिल्यात. हिरो अलोम (37 वर्षे) असे त्याचे नाव आहे. फेसबुकवर अलोमला सुमारे 20 लाख लोक फॉलो करतात. तसेच, यूट्युबवर त्याचे 14 लाखांहून अधिक सब्स्क्राइबर्स (Youtube Subscribers) आहेत. गायक, अभिनेता आणि मॉडेल म्हणून तो बांगलादेशच्या सोशल मीडियात ओळखला जातो, त्याचे व्हिडीओही मोठ्या प्रमाणात पाहिले जातात. मात्र, या गाण्यांमुळेच त्याला अडचणींचा सामना करावा लागला.
माफीनाम्यावर स्वाक्षरी करायला लावली- हीरो अलोम
स्वतः हीरो अलोमने वृत्तसंस्थेला याबाबत माहिती दिली. पोलिसांनी मला सकाळी 6 वाजता उचलले आणि 8 तास ताब्यात ठेवले. मी नोबेल पारितोषिक विजेते रवींद्रनाथ टागोर आणि बांगलादेशचे राष्ट्रीय कवी काझी आश्वासन नजरुल इस्लाम यांची गाणी का गातो?” असे त्यांनी मला विचारल्याचे अलोमने सांगितले. पोलिसांनी मानसिक छळ केला. यासोबतच पुन्हा शास्त्रीय गाणी गाण्यासही मनाई करण्यात आली. याशिवाय माफीनाम्यावर स्वाक्षरीही करायला लावली, असे अलोम म्हणाला.
सोशल मीडियातून समर्थन
या प्रकरणाबाबत सोशल मीडिया वापरकर्त्यांमध्ये संतापाचे वातावरण आहे. अनेक यूजर्स अलोमच्या समर्थनार्थ उभे असल्याचे चित्र आहे. अलोमचे गायन वाईट असले तरीही नेटकऱ्यांनी याला वैयक्तिक अधिकारांवर हल्ला म्हटले, वाईट गातो म्हणून एखाद्याला तुरुंगात डांबणे चुकीचे आहे असे नेटकऱ्याचे म्हणणे आहे. एका युझरने हिरो अलोमच्या समर्थनार्थ लिहिले की, तू खरा हिरो आहेस. इतरांच्या बोलण्याने काही फरक पडत नाही. त्याचबरोबर आणखी एका युझरने लिहिले की, तसे पाहता मी तुमच्या गाण्यांचा आणि तुमच्या अभिनयाचा चाहता नाही. पण तुमचा आवाज दाबण्याचं काम झालं तर मी तुमच्या पाठीशी उभा आहे.