Lappu Sa Sachin | ‘रसोड़े में कौन था’ वाल्याने बनवलं ‘लप्पू सा सचिन’ गाणं! लोकं म्हणाले, “मजा आगया!”
खरं तर सचिनच्या शेजारणीने कॅमेऱ्यासमोर सांगितलं होतं की, लप्पू सा सचिन, झिंगूर सा बॉय, सचिनमध्ये काय आहे. तेव्हापासून हे प्रकरण व्हायरल झाले आहे. आता याच व्हायरल विषयावर 'रसोडे में कौन था' या शीर्षकावर रॅप बनवणाऱ्या यशराज मुखाते यांनी आपली क्रिएटिव्हिटी दाखवली आहे.
मुंबई: पाकिस्तानची सीमा हैदर आणि नोएडाचा सचिन मीना यांची लव्हस्टोरी सध्या ट्रेंडिंग टॉपिक आहे. चहाच्या दुकानापासून गल्लीबोळापर्यंत सीमा हैदरची चर्चा आहे! अनेक मीम्सही बनवण्यात आले आहेत. खरं तर सचिनच्या शेजारणीने कॅमेऱ्यासमोर सांगितलं होतं की, लप्पू सा सचिन, झिंगूर सा बॉय, सचिनमध्ये काय आहे. तेव्हापासून हे प्रकरण व्हायरल झाले आहे. आता याच व्हायरल विषयावर ‘रसोडे में कौन था’ या शीर्षकावर रॅप बनवणाऱ्या यशराज मुखाते यांनी आपली क्रिएटिव्हिटी दाखवली आहे. लप्पू सा सचिनवर त्याने एक गाणं बनवलं आहे, जे लोक मोठ्या उत्सुकतेने पाहत आहेत.
यशराज मुखाते याने सीमाच्या पती सचिनवर करण्यात आलेल्या कमेंटवर एक गाणं तयार केलं आहे. या व्हिडिओमध्ये यशराज गाताना दिसत आहे- बोल वो पाए ना, कोई को भाये ना, समझा आए ना… सचिनमध्ये काय आहे? यानंतर सचिनच्या शेजारणीचा एक व्हायरल व्हिडिओ जोडला गेला आहे ज्यात ती म्हणत आहे- लप्पू सा सचिन है, झिंगूर सा बॉय.. काय आहे सचिनमध्ये? यानंतर त्याने सचिनला आपल्या स्टाईलमध्ये ट्विस्ट दिला आहे. आता ही क्लिप इंटरनेटवर जबरदस्त व्हायरल झालेली आहे. हा व्हिडिओ @yashrajmukhate यशराज मुखाते यांनी 4 ऑगस्ट रोजी पोस्ट केला होता. त्याने कॅप्शनमध्ये लिहिले- लप्पू सा सचिन. या क्लिपला 17 लाख व्ह्यूज आणि 1 लाख 80 हजार लाइक्स मिळाले आहेत. तर अनेकांनी प्रतिक्रिया दिल्या.
View this post on Instagram
सीमा हैदर ही पाकिस्तानची रहिवासी आहे. जुलै २०२३ मध्ये नेपाळमार्गे बेकायदेशीरपणे सीमा ओलांडून ती आपल्या चार मुलांसह भारतात आली आणि तिचा भारतीय प्रियकर सचिन मीनाला भेटली. सचिन-सीमा यांची भेट 2023 मध्ये पबजी हा ऑनलाइन गेम खेळताना झाली होती. हळूहळू दोघं बोलले आणि मग प्रेमात पडले. हे प्रेम इतकं घट्ट होतं की सीमा सगळं सोडून भारतात आली. यामुळेच ही लव्हस्टोरी सोशल मीडियावर चर्चेत आहे.
