Video | जीव वाचवण्यासाठी आईला तोंडावाटे श्वास, मुलीकडून जीवाच्या आकांताने प्रयत्न, व्हिडीओ व्हायरल
आपल्या आईचा जीव वाचवण्यासाठी जीवाच्या आकांताने प्रयत्न करणाऱ्या मुलीचा व्हिडीओ व्हायरल झाला आहे. (uttar pradesh daughter giving oxygen by mouth)
लखनऊ : देशात कोरोनाने थैमान घातले आहे. योग्य उपचार न मिळाल्यामुळे रोज हजारो रुग्णांचा मृत्यू होत आहे. सध्या कोरोनाच्या दुसऱ्या लाटेमध्ये रेमडेसिव्हीर इंजेक्शन आणि ऑक्सिजनचा मोठ्या प्रमाणात तुटवडा जाणवतो आहे. दरम्यान, या लाटेमध्ये हादरवून सोडवणाऱ्या घटना समोर येत आहेत. रुग्णांचे होत असलेले हाल, रुग्णांच्या नातेवाईकांच्या पळापळीचे विचलित करणारे काही व्हिडीओ समोर येत आहेत. सध्या आपल्या आईचा जीव वाचवण्यासाठी जीवाच्या आकांताने प्रयत्न करणाऱ्या एका मुलीचा व्हिडीओ व्हायरल झाला आहे. या मुलीचा व्हिडीओ समोर आल्यानंतर देशातील आरोग्य व्यस्थेची दुर्दशा समोर आल्याच्या संतप्त प्रतिक्रिया व्यक्त करण्यात येत आहेत. (Uttar Pradesh video of daughter giving Oxygen to her mother by mouth goes viral on social media)
आईचा जीव वाचवण्यासाठी तोंडाने श्वास देण्याचा प्रयत्न
हा व्हिडीओ उत्तर प्रदेशमधील बहराईच येथील आहे. व्हिडीओमध्ये दिसतंय त्याप्रमाणे एक महिला स्ट्रेचरवर पडलेली दिसतेय. तिला व्यवस्थित श्वास घेता येत नसावा त्यामुळे तिची मुलगी आपल्या तोंडावाटे त्या महिलेला श्वास देण्याचा प्रयत्न करत आहे. या मुलीचे प्रयत्न पाहून कोणाला भरून आल्याशिवाय राहणार नाही. समोर पडलेल्या महिलेचे प्राण वाचावे यासाठी या मुलीची तडफड डोळ्यांतून पाणी आणणारी आहे.
पाहा व्हिडीओ :
#CoronaVirus: इन दिनों पूरा देश ऑक्सीजन की कमी से जूझ रहा है।ऑक्सीजन की कमी से मरने वालों की खबरें लगातार सामने आ रही हैं। बहराइच के एक अस्पताल में कोरोना संक्रमित महिला को जब ऑक्सीजन नहीं मिली तो लाचार बेटी ने मुंह से सांस देने का प्रयास किया। ये वीडियो काफ़ी वायरल हो रहा। pic.twitter.com/cODPxzT64o
— amit singh (@Join_AmitSingh) May 2, 2021
रुग्णालय प्रशासनावर टीका
समोर पडलेल्या महिलेवर बहराईच येथील वैद्यकीय महाविद्यालयात उपचार सुरु होते. या महिलेला तोंडावाटे श्वास देणाऱ्या मुलीचा हा व्हिडीओ समोर रुग्णालय प्रशासनावर मोठ्या प्रमाणात टीका केली गेली.
रुग्णालयात ऑक्सिजनची कमतरता नाही
दरम्यान, या व्हिडीओबद्दल विचारल्यानंतर रुग्णालय प्रशासनाने महिलेचा आधीच मृत्यू झाला होता. मात्र, या मुलींनी भावनिक होत आपल्या तोंडावाटे मृत महिलेला श्वास देणं सुरु केलं, असं रुग्णालयाने स्पष्टीकरण दिलं. तसेच रुग्णालयात ऑक्सिजनची कमतरता नसल्याचेसुद्धा येथील प्रशासनाने सांगितले.
इतर बातम्या :
Video | कोरोनामुक्त झालेल्या तरुणाचा धडाकेबाज डान्स, व्हिडीओ पाहून तुम्हीसुद्धा थिरकणार !
पीपीई कीट घातल्यानंतर काय होतं ? डॉक्टरांना मारहाण करण्यापूर्वी ‘हा’ फोटो पाहाच
(Uttar Pradesh video of daughter giving Oxygen to her mother by mouth goes viral on social media)