Viral Video : बेधुंदपणे बागडणारं, फूटबॉल खेळणारं हत्तीचं पिल्लू, लोक म्हणाले, ‘याला पाहून आम्ही सगळं टेन्शन विसरलो’!
या व्हिडीओमध्ये हत्तीचं एक पिल्लू (Baby Elephant) कसरती करताना पाहायला मिळतं आहे. या व्हिडीओत हत्तीचं हे पिल्लू फूटबॉल खेळताना दिसत आहे.
लहानपणी आपल्याला जेव्हा जंगलाबद्दलच्या गोष्टी सांगितल्या, त्यात हत्तीचा उल्लेख आला नाही असं व्हायचं नाही. हत्तीच्या उल्लेखाविना या कहाण्या अधुऱ्या असायच्या. हत्ती खूप विशालकाय, महाकाय असतो असं मोठे नेहमी सांगायचे, हे सांगताना हत्ती किती करामती करतो हेही सांगितलं जायचं. व्हिडीओंमधून वा प्राणी संग्रहालयात गेल्यावर हत्तीच्या या करामती पाहायलासुद्धा मिळायच्या. त्यामुळेच आजच्या काळातही सोशल मीडियावर हत्तीच्या व्हिडीओंना खूप डिमांड असते. हत्तीचे मज+शीर आणि क्युट व्हिडीओ दररोज व्हायरल होतच असतात, जे व्हिडीओ पाहून कुणीही त्यांच्या प्रेमात पडतं. ( Video of a baby elephant playing football goes viral)
असाच एक व्हिडीओ सध्या सोशल मीडियावर चांगलाच व्हायरल होतो आहे. या व्हिडीओमध्ये हत्तीचं एक पिल्लू (Baby Elephant) कसरती करताना पाहायला मिळतं आहे. या व्हिडीओत हत्तीचं हे पिल्लू फूटबॉल खेळताना दिसत आहे. ते बेधुंदपणे बागडताना आपण पाहू शकतो. हा व्हिडीओ पाहून लोक खूश होत आहेत. या व्हिडीओ लोकांना चांगलाच आवडलेला दिसतो आहे, कारण या व्हिडीओला अनेक सोशल मीडिया अकाऊंटवरुन पोस्ट आणि शेअर करण्यात आलं आहे.
पाहा व्हिडीओ:
Practice time ? pic.twitter.com/rXGN66RHeR
— Vikram (@vikrampalawat) September 20, 2021
हा व्हिडीओ विक्रम पलावत यांनी ट्विटरवर शेअर केला आहे. या व्हिडीओमध्ये हत्तीचं हे पिल्लू फूटबॉल खेळताना, जोरात पळताना दिसतं आहे. व्हिडीओतील हत्तीचं हे पिल्लू इतकं खूश आहे, की याला पाहून तुम्ही तुमचा सगळा थकवा विसरुन जाल आणि आनंदी व्हाल. हे हत्तीचं पिल्लू पळून पळून फूटबॉलला आपल्या पायाने मारत आहे आणि पुन्हा त्यामागे पळत आहे.
सोशल मीडियावर हा व्हिडीओ 20 सप्टेंबरला शेअर करण्यात आला होता. या व्हिडीओला आतापर्यंत हजारोवेळा पाहिलं गेलं आहे. एका नेटकऱ्याने यावर लिहलं, खरंच हे हत्तीचं पिल्लू आपल्याच धुंदीत मस्त आहे. तर दुसऱ्याने लिहलं, हत्तीच्या पिल्लाचं हे स्किल कमाल आहे.
