Video : महिला पोलिसाच्या शौर्याला सलाम, प्रवाश्याचे प्राण वाचवण्यासाठी जीवाची बाजी लावली!

मुंबई : मुंबई लोकलमध्ये (Mumbai Local) गर्दीमुळे अनेकदा अपघात होत असल्याचं समोर येतं. असाच एक व्हीडिओ सध्या सोशल मीडियावर पाहायला मिळत आहे. या व्हीडिओमध्ये महिला पोलीस या प्रावाश्याचे प्राण वाचवताना पाहायाल मिळत आहे. ट्रेनमधून एक प्रवासी उतरत होता. यावेळी तो पडला. अन् रेल्वेखाली जाणार एवढ्यात त्याला या महिला पोलिसाने वाचवलं. आरपीएफच्या लेडी कॉन्स्टेबलने त्या व्यक्तीला वाचवण्यासाठी शर्थीचे प्रयत्न केले. त्यामुळे हा अपघात टळला. त्याचा व्हीडिओ सध्या सोशल मीडियावर व्हायरल (Viral Video) होत आहे.

नेमकं काय घडलं?

ट्रेनमधून एक प्रवासी उतरत होता. यावेळी तो पडला. अन् रेल्वेखाली जाणार एवढ्यात त्याला या महिला पोलिसाने वाचवलं. आरपीएफच्या लेडी कॉन्स्टेबलने त्या व्यक्तीला वाचवण्यासाठी शर्थीचे प्रयत्न केले. त्यामुळे हा अपघात टळला. त्याचा व्हीडिओ सध्या सोशल मीडियावर व्हायरल होत आहे. हा व्हीडिओ चेन्नईमधला आहे.

हा व्हीडिओ दक्षिण रेल्वेने आपल्या ट्विटर हँडलवरून शेअर केला आहे. हा व्हीडिओ चेन्नईमधल्या एग्मोर स्टेशनचा आहे. जिथे ड्युटीवर असलेल्या रेल्वे प्रोटेक्शन फोर्सच्या (RPF) महिला कॉन्स्टेबलने चालत्या ट्रेनखाली चिरडल्यापासून प्रवाशाला वाचवण्यास मदत केली. आरपीएफच्या वरिष्ठ अधिकाऱ्यांनी याविषयी माहिती दिली. ते म्हणाले की, “ही महिला पोलीस अधिकारी रविवारी रात्री एग्मोर स्टेशनवर ड्युटी करत होती. यादरम्यान स्टेशनवरून निघालेल्या रॉकफोर्ट एक्स्प्रेसमधून एक अज्ञात व्यक्ती उतरण्याचा प्रयत्न करत असताना तो घसरला आणि पडला. त्याला वाचवण्यासाठी या महिला पोलीस अधिकाऱ्याने शर्थीचे प्रयत्न केले.”

दरम्यान मुंबईमध्येही अशीच घटना घडली आहे. मुंबईच्या लोकलचा हा धक्कादायक व्हीडिओ सध्या सोशल मीडियावर चर्चेचा विषय बनला आहे. लोकल स्टेशनवर थांबलेली दिसतेय. काही लोक ट्रेनमध्ये चढताना उतरताना दिसत आहेत. इतक्यात ट्रेन सुरू होते. अन् एक तरूणी उतरण्याचा प्रयत्न करते. पण तिचा तोल जातो अन् ती लोकलच्या खाली जाणार इतक्यात लोकलमधून होम गार्ड उतरतो अन् तो तिला प्लॅटफॉर्मवर खेचतो. अन् तिचे प्रण वाचवतो. अल्ताफ शेख असं या होमगार्डचं नाव आहे. त्यानंतर दोन मुलीही या मुलीला वाचवण्यासाठी उड्या मारताना दिसतंय. हा व्हीडिओ सध्या सोशल मीडियावर व्हायरल होत आहे.